Dhewuteronome 19
19
Livbandre na limwedo madhoropa nya wuthavelo
(Mitengo 35:9-15; Dhewuteronome 4:41-43)
1Avbo Pfhumu Nungungulu wago, a na fuvisago mifumo nya mayigo yale a na gu ningago Pfhumu Nungungulu wago, hwane nya gu bani na mu gu va khoziside mu dzega madhoropa ni dzindranga dzawe mu khala umo, 2#Wona gambe: Dhet 4:41-43; Jos 20:1-7. u na hatha madhoropa mararu vbakari nya litigo eli Pfhumu Nungungulu wago, a na gu ningago gasi u li fumela, u ma kasa phuvbo. 3U na lulamisa dzindzila dzakone u pandra mivbingano nya litigo eli Pfhumu Nungungulu wago, a na gu ningago gu li fumela, u na li kabanisa khu sipandre siraru; esi si na gira gu nari wuthavelo nya vale va songago vathu khu guphazama.
Dzifanelo dzi ningwago khu madhoropa nya wuthavelo
(Mitengo 35:22-28)
4Madhoropa yaya ma na giredwa nari wuthavelo wa vale va na gu tshukha na va songide vathu nyamba gira kha gwenye, gasi vaya vbanyela umomo; oyu a songago muthu kwawe khu mhango nasa phela khu guganedzisana naye. 5Khu guralo, uye a na gu belago khabini ni muthu kwawe gasi guya pila dzikhuni, a gu khusa libhewula gasi gu koka simbo, libhewula li homoga vbasimbotunu li ya bayisa mungana waye, oyu a gufa, uye a nga mu songa a naya vbanyela ga limwedo nya madhoropa yaya; 6gasi muphodzeli nya novba na vbisegide monyoni gwaye, khu gulapha nya pfhuka, a si landreleli wule a nga songa kwawe a gu mu mana a mu songa, narigu musongi yoyu mwalo fanelo nya gusongwe, kholu kha nga phela khu guganedzisana naye. 7Khidzo kharato nyi gu layago, kheni: “U na kasa madhoropa Mararu u ma vega phuvbo.”
8A gu tshukha Pfhumu Nungungulu wago, a andrisa mivbingano nya litigo lago, kha nga a sambanyidego ga vababe vago, a gu ninga litigo latshavbo a va tumbisidego, 9wa gu dzi garadza khu gu landrisa milayo nyi gu leletelago muhuno, gasi u yi landrisa, u gola Pfhumu Nungungulu wago, matshigu yatshavbo u gimbila dzindzilani gwaye, khavbo avbo, u na engedzela gambe mambe madhoropa mararu vbatshani ga aya, 10gasi vbakari nya litigo eli Pfhumu Nungungulu wago, a gu ningidego gu khala thomba gu si vbalagi novba nyambana nandru, kholu u na manega mandzani gwago nuri ni novba nyambana nandru.
Gu songa muthu
(Mitengo 35:16-21)
11Aholu, a gu manega muthu nya gukari nari ni mazondra ni muthu kwawe, a mu wugela a mu songa, a gu thavela ga limwedo nya madhoropa yoyo, 12madhota ya dhoropani mule, va na rumela vathu vaya mu dzega vata mu ningela mandzani ga muphodzeli nya novba gasi a mu songa. 13#Wona gambe: Jos 20:1-9. U nga mu khedzi khu maho nya gisiro; aholu u fanede gu fuvisa vbakari ga va na Israyeli mahungu nya guvbaladze novba nyambana nandru, gasi mu mana gu katega.
Thumo mayelano khu mivbingano ni wufakazi
14 # Wona gambe: Dhet 27:17. Malangani ma gu ya thomba yago, u nga vbindrugedzi mivbingano ya muakelane wago, yi vegidwego khu vagale vanu, ga litigo eli Pfhumu Nungungulu wago, a gu ningago gasi u li fumela.
15 # Wona gambe: Mit 35:30; Mat 18:16; Joh 19:31; 2 Kor 13:1; 1 Thim 5:19; Hebh 10:28. Muthu a gu bani giride gilo nya manyala, mwendro gu gira gighoho nya gukari; a nga giredwi wufakazi khu muthu moyo, aholu a na giredwe wufakazi khu vathu vavili mwendro vararu. 16Muthu a gu gira wufakazi nya malipha khu gu singedza muthu, khuye giride silo nya guvivbe, 17vathu vava nya vavili va dwanago, va naya ema mbeli ga Pfhumu Nungungulu, mahoni ga vaphasi nya mhamba ni valamuli va manegago ga matshigu yoyo. 18Valamuli va na sola gwadi mahungu yoyo; gwa gu manega narigu fakazi yi di singedza malipha muakelane waye, 19mu na yi gira kha nga idzo yi nga vbweta gu gira muakelane waye; khu guralo u na fuvisa guvivba vbakari gwago; 20gasi avo va tshalago va kodze gu yingisa, va khala hwanga, va si engedzi gambe gu gira gilo nya guvivbe nya nga egi vbakari gwago. 21#Wona gambe: Eks 21:23-25; Levh 24:19-20; Mat 5:38. U nga mu khedzi khu maho nya gisiro: Womi wu na livbwa khu womi, likhwaha li na livbwa khu likhwaha, mandza khu mandza, ngondro khu ngondro.
Currently Selected:
Dhewuteronome 19: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
