Dhewuteronome 17
17
Gitsayiso khu gu khozela sifananiso
1U nga tshuki u girela phaso ga Pfhumu Nungungulu wago, khu gikuzyana mwendro nvuta nya libawa ambari guhasa nya gukari; kholu isoso si nyenyezide ngudzu mahoni ga Pfhumu Nungungulu wago.
2A gu manega muthu vbakari gwanu, madhoropani a na gu ningago Pfhumu Nungungulu wago, gani mwama gani nyamayi a na girago ugo gu vivbidego mahoni gwa Pfhumu Nungungulu wago, a hambanisa gidzumeledzwano gyaye, 3khu gu hongola aya thumela vambe vanungungulu, ni gu va khozela, ni gu khozela lidambo mwendro ngima, ambari libutho latshavbo la ndzadzini, iso eni nyi ngamba mi leletela; 4va ta gu tivisa, mwendro wa gu mapwa mahungu yaya, guvbwetega u si vbwetedzela gwadi; ga gu manega nari lisine, gunyenyeza gogo na gu giregide kamwe tigoni gwa Israyeli, 5u na dzega mwama yoyo mwendro nyamayi yoyo a giridego guvivba gogo, u hongola naye nyangwatunu gwago u ya mu pfara khu siwindri kala afa. 6#Wona gambe: Mit 35:30; Dhet 19:15; Mat 18:16; 2 Kor 13:1; 1 Thim 5:19; Hebh 10:28. Khu wufakazi wa vathu vavili mwendro vararu, fanede gu songwa; aholu khu wufakazi wa muthu moyo basi, mwalo fanelo nya gusongwe. 7Mandza nya dzifakazi ma na phela khayo gu mu veta, gasi gu mu songa; gu landrela mandza ya vathu vatshavbo; kharati, u na vbedza guvivba vbakari gwago.
Phatha nya khongolo
8Ma gu manega mahungu nya gugaradze ngudzu gu ma lamula; mahungu nya gusonge mwendro nya gubangelane, ni mahungu nya gubayisane mwendro gu wusa pfilupfilu, ni mambe mahungu nya gugaradze dhoropani gwago, u na khuga u gwela wulangani Pfhumu Nungungulu wago, a na wu hathago. 9U nata ga Valevhi, vaphasi nya mhamba ni ga mulamuli va na gu bani va romo ga litshigu lolo; va na ya vbwetedzela gwadi mahungu, va na gu embela wulamuli nya lisine u fanedego guya wu gira. 10U naya gira gukhedza khu guruma nya magana va na gu tivisago ga wulanga wule Pfhumu Nungungulu a na wu hathago; u na dzi garadza khu gu gira satshavbo esi va na gu hevbudzago. 11U na gira gukhedza khu milayo va gu embedego gukhedza ni malamulelo a gu hevbudzidego; u si ndreyi nyamudye mwendro nyambade. 12Muthu a na kanyisago a si yingisi muphasi nya mhamba a na gu bani ari vbale gasi gu thumela Pfhumu Nungungulu wago, ambari gu yingisa mulamuli, muthu yoyo fanede gu songwa; khu magirelo yoyo mu na vbedza wuvivbi vbakari ga va na Israyeli, 13gasi vathu vatshavbo va gu yingisa, va thava va si dzi gugumugisi.
Gihathamani ni dzifanelo dza mufumeli
(1 Samuweli 8:11-18; 1 Dzipfhumu 11:1-13)
14 # Wona gambe: 1 Sam 8:5. Wa gu bela tigoni a gu ningago Pfhumu Nungungulu wago, u li dzega u vbaha umo, u li fumela; wa gu ganela, khuwe: Nyi na dzi emisela mufumeli, kha nga mambe mayigo ma nyi randredego. 15U na dzi emisela mufumeli wule Pfhumu Nungungulu wago, a na gu mu hathago; gambe oyu u na mu hathago gu khala mufumeli wanu guvbwetega nari wa na gyanu, u nga tshuki u vega muthu wa vbavbandze. 16#Wona gambe: 1 Dzipf 10:28; 2 Dzik 1:16; 9:28.Aholu, mufumeli yoyo kha gu vbwetegi a dzi garadza khu gu mana dzikavalu nya dzingi, gambe kha gu vbwetegi gu a gurumedza vathu gu bwelela gambe tigoni ga Egipito, gasi guya mana dzikavalu nya dzingi; kholu Pfhumu Nungungulu a mi embede, khuye: Gima kha mu na bwelela gambe khu ndzila yeyi. 17#Wona gambe: 1 Dzipf 11:1-8; 1 Dzipf 10:14—22:27; 2 Dzik 1:15; 9:27. A na dzi wonele, a nga tshuki a dzega vanyamayi nya gutale, gasi monyo waye wu si ndreyi; gambe a nga hengeledzeli ndralama mwendro parata nya yingi.
18A gu khala vbagikhalotunu gwaye nya wufumu, fanede gu dzi lovela nayo yoyu libhukuni, nya idzosaye ni owu wu guromo mbeli ga Valevhi, vaphasi nya mhamba. 19Libhuku leli a na bani ari nalo, a li hevbula matshigu yatshavbo nya guvbanye gwaye, gasi a hevbule gu ninga githawo Pfhumu Nungungulu waye, gasi a kodze gu vegisa yatshavbo magana nya nayo yoyu, ni sileletelo sesi, gasi gu si landrisa. 20Esi si na gira gu monyo waye wu si dzi khusedzi vbatshani ga vandriyaye, gambe a si ndreyi ga nayo, guya nyamudye mwendro nyambade; gasi a kodze gu engedzedwa matshigu nya wufumu waye, uye gumogo ni sanana saye vbakari ga va na Israyeli.
Currently Selected:
Dhewuteronome 17: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
