Bharuki 5
5
1Uwe Jerusalema, tshula guambala gwago nya gilendra ni gililo,#5:1 Gukhugela ndrimana yeyi nya 1 kala ndrimana nya 8, muprofeti a gu ganela khu Jerusalema, a tivisa guwusedzwa nya lidhoropa, ni gutshudwa ga sanana saye, si wuyiswa khu wugumbini. Wona Isa 49:18; Isa 52:1; Isa 61:10 .
ambala gikhati gyatshavbo guambala nya wumburi nya wudhumo wa Nungungulu.
2Fenengela vholwe nya wululamo wutago khu ga Nungungulu,
ambala hungoni gihugu nya wuzundzo wutago khu ga Nungungulu nya gupindruge.
3Nungungulu a na nonedza gungangamela gwago
ga vathu vatshavbo va vbanyago vbavbatshi nya lidambo.
4Eli khu lina Nungungulu a na gu ningago kala gupindruga, a gu eli:
“Gurula nya Gululame ni Wudhumo nya Githawo ga Nungungulu.”#5:4 Avba hi ngu tiviswa guvbindrugedza nya lina la Jerusalema.Wona gambe: Isa 1:26; 60:14.18; Ezk 48:35. Lina leli nya liphya nya lidhoropa la gu tshamusela gunengela nya gukhongolo ga vale va wuyiswago khu guvbagedwani.
5Uwe Jerusalema, khuga u gwela vbatshani u khedza phuvbo ga Khugadambo!
Khedza sanana sago si tombanisidwego gukhugela Muhwadambo kala Khugadambo, khu magana ya Uye a Agidego
na si tsakide khu kotani nya olu Nungungulu a nga va alakanya.
6Va khugide khavbo gwago,
na va gu gimbila khu mawundru,
na va gu ndrindrwa ndrindrwa khu valala,
olu, Nungungulu a ngu va wuyisa gwago
na va gu bangaladzwa khu wuzundzo kha nga dzipfhumu.
7Nungungulu rumide gu lulamisela sigomo nya gulaphe ni gu reledza dzitshoka nya sigomo nya gupindruge,
ni gu guledzela mikova kala mafu ma khala idzosaye,
gasi Israyeli a gimbile na tiyide
na gu wenengedzwa khu wudhumo wa Nungungulu.
8Magabi ni misimbo yatshavbo nya gunungele gwadi yi na ninga mutsa Israyeli,
khu guruma ga Pfhumu Nungungulu.
9Khu lisine, uye mune Nungungulu a na gimbidzisa Israyeli,
na gu nengela, wenengedzoni nya wugulu waye,
khu gululama ni wuhindzi wu tago khiyo gwaye.
Currently Selected:
Bharuki 5: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.