1 Makabhewu TSHAMUSELO
TSHAMUSELO
Gukhugela myaga nya gukari, gikhatini gya Ezira ni Nehemiya kala ga Dhariyo nya wuraru, va na Israyeli va di vbanya na va tshulegide wugumbini ga Vaperisiya, va gu fumwa khu mufumo wu nga bani wu thangedwa khu muphasi nya khongolo nya mhamba.
Gikhati Dhariyo ni Vaperisiya va padwego khu Alesandre nya Khongolo, va na Israyeli va di landrela mufumo wa Masedhoniya, wu nga fuvago khu gufa ga mufumeli wakone, a nga tshikedzwago khu mufumo wa Vaselesida tigoni ga Siriya ni Vapitolomewu, tigoni ga Egipito.
Va na Israyeli nya vangi, na va midzidwe khu wuhedheni, va di wona nari tshukwana gu ninga wulanga tumbunugo nya Vajudha, na va gu phasedzedwa khu vafumeli va Siriya, avo khu mafumelo yawe, va dzumedzisago gu gira isoso.
Matshiguni ya Antiyoko nya wu na, va di phela gu wugela wukhodwa nya nayo nya Vajudha. Khu magirelo yoyo, va di ninga wulanga wuwugeli wa Matatiya gumogo ni sanana saye; a gu avo va ranwago pwani va na Makabhewu. Khavbo nya wuwugeli wowo, Vajudha va di hegisa khu gu mana gutshulega, va phela mufumo nya wuphya wu tidwago khu lina nya gupwani mufumo wa Vahamoni.
Libhuku leli gukhwatshi li lovidwe khu gipandre giyago gukhugela mwaga nya lizana ni magumararu na livbandre, kala mwaga nya livbandre na limwedo magumi ni myaga miraru (135 e 63) na si gu velegwi Kristo.
Longoloko nya libhuku leli khowu:
Alesandre nya Khongolo (1:1-10). Antiyoko Epifaniyo (1:11-40). Wuwugeli nya wukhodwa wa Vajudha (1:41-64).
Gipandre nya guhegule khegi:
Matatiya (2); gitiviso nya wuwugeli gya vakhodwa (2:1-48). Gufa ga Matatiya (2:41-70).
Gipandre nya wuvili khegi:
Judha Makabhewu (3:1—9:22); gupala nya guhegule ga Judha (3:1—4:35). Guagiswa nya Nyumba ya Nungungulu (4:36-61). Nyimbi nya guwugele mayigo ya vaakelane (5). Gufa ga Antiyoko tigoni ga Perisiya (6:1-17). Antiyoko Ewupatori a ngu dhumela Judheya a gu vbaha gurula ni Vajudha (6:18-63). Dhemitriyo a ngu tivisa nyimbi nya gudwane ni Judha Makabhewu (7). Judha Makabhewu a ngu ya dzi pata ni Varoma (8). Gufa ga Judha Makabhewu (9:1-22).
Gipandre nya wuraru khegi:
Jonatane, mutshikedzi wa Judha Makabhewu (9:23—12:54). Guvbindrugedza nya makhalelo ya Vajudha (9:23-73). Jonatane a ngu mana ndzila khu nyimbi ya Vaasiriya (10). Gutiyiswa nya wuthangeli wa Jonatane (11). Gidzumeledzwano ni varoma gumogo ni Vaesiparita (12:1-23). Gumodwa ga Jonatane khu Trifoni (12:24-54).
Gipandre nya wu na khegi:
Simoni, muthangeli wa vathu va Judha (13—16). Simoni a ngu zama gu dzegisa ndriyaye (13:1-32). Simoni a ngu vhikela gutshulega nya vathu vaye (13:33-54). Simoni a ngu huweledwa kha nga muthangeli wa vathu va Judha (14). Antiyoko Sidheri a ngu wugela Vajudha (15). Gufa ga Simoni (16).
Currently Selected:
1 Makabhewu TSHAMUSELO: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.