O MAZMUR 81
81
O nyanyi maöraha o rameanga
1Mangale yonyä nyanyi manga tutuda. Imoteke: o Gitit malugo. O Asafino.
2Hohinyanyi o higiriri mangale ma Jou Madutu, tongone nanga kuata,
houlili de hogarago mangale o Yakub ai Jou Madutu.
3Nitakoro o damunu, nigoraka o nyanyi,
nikuti o gambus deʼ o kecapi deʼ nia nou-nouhu.
4 #
Bil. 10:10
Niwuwu o trompet nanga wange ma amokoka
o mede magil̄au deo mede manobo marameanga.
5Hababu o hali gënanga moi o datoro o Israel mabereraka,
moi o pareta o Yakub ai Jou Madutuino.
6Unanga wohi dadi o hitatapu moi o Israel ma nyawaika,
maöraha Unanga wotagi Ai himangika walawani o Mesir.
Ngohi toihene o bahasa tanako-nakoua,
7”Ngohi tagorakoka o gina ani belekaka,
deʼ talapahi o karaja namö moku-moku ani giamoka.
8 #
Kel. 17:7; Bil. 20:13 Nia huha magoronaka ngini nimahi böaka,
deʼ Ngohi tini hihalamati ngini.
Tinï baluhu ngini o dotorekino o ngï Ngohi toma ngiunu;
Tini uji ngini o Meriba ma akere malakoka.
9Ni ihene Ahi hohininga, hei Ahi umati,
Israel, nako ngini nimau nihi higihene Ngohi!
10 #
Kel. 20:2-3; Ul. 5:6-7 Uha nia hidogoronaka naga o gikiri mahomoa,
uha nia huba o gikiri maporetino.
11Ngohi nanga ma Jou nia Jou Madutu,
Tinï tuda-tuda ngini o Mesir mabereraka de nihupu.
Maöraha ngini inï hahini ngini Tinihiol̄omo.
12Mä Ahi umati yoluku ihihigihene Ngohi,
o Israel yoluku ihingounu Ngohino.
13Hababu gënanga Ngohi tämal̄aika önanga manga häeke itogowini;
mal̄aika önanga yanïki toönanga manga mau mahirete.
14Ah, nako Ahi umati yomau ihi higihene Ngohi,
nako önanga yomau ihingounu Ngohino,
15done Ngohi itaiti tahi tuduku toönanga manga haturu,
deʼ tähohihanga mata-mata toönanga manga lawani.
16O nyawa ihï doha-dohata Ngohi aha imaponu Ngohino,
önanga aha Tähukumu kahiädo-ädonika.
17”Mä Ahi umati aha Tahi ol̄omo o gandum yairi-irikika,
deʼ Tähi punuhu deo ohungu magula o honganika.”
Currently Selected:
O MAZMUR 81: TLB
Highlight
Copy
Compare
Share
Want to have your highlights saved across all your devices? Sign up or sign in
