O MAZMUR 80
80
O niniata mangale o umati manga halamati
1Mangale yonyä nyanyi manga tutuda. Imoteke: o Bunga bakung malugo. O Mazmur o Asaf ai hakihi.
2 #
Kel. 25:22
Ya o Israeloka manga Gogoana, noihene,
Ngona nätuda o Yusuf ai difauku hokä o duba matika.
Ngona nöbarenuku o dodadi dema gahuhuoka,
Notagi mahimangiha de Ani cahaya.
3O Efraim, o Benyamin deʼ o Manasye manga himangoka.
Nohimatoko Ani kuaha ngomino,
deʼ noboa nomi hihalamati ngomi.
4Ya Jou Madutu, nomi higilio ngomi hoihira-hirali;
Nomï pulono ngomi de Ani hininga mamura,
done ngomi aha mihalamati.
5Ya Jou Jou Madutu Duru Noko Kuaha,
hiädono muruonoka Ngona nongamo,
ngaroko Ani umati mimä niata?
6Ngomi nomihidöaka o gari mangale mia inomo,
mia kongo dema boboloi mangale mia oke-okere.
7Ngona nähigumal̄a o hoana deo berera mia date-datekino
imateke ributu mangale tongomi miatonaka
mia haturu-haturu yoiete imahisosanangi
8Ya Jou Madutu Duru Noko Kuaha, nomi higilio hoihira-hirali;
nomï pulono ngomi de Ani hininga mamura,
hupaya ngomi mihalamati.
9Ani umati hokä o angguru magota mautu
o Mesir mabereraka de Natururu.
Hagala o hoana deo berera mahomoa Näduhu,
daha Nadatomo o gota gënanga toönanga manga bereraka.
10Ngona nasadia o tonaka mangale enngaa;
deʼ ënanga imahingutuku kaha lukuku
deʼ imahohe o berera yamode-modekika.
11Enanga yahohonguku hagala o doporono,
deʼ majaga-jaga
yatamunuku o aras magota mapö pako-pako.
12Mararaga itoakika hiädono o Ngöto i Kokoronaika,
madubo hiädono o Efrat ma Ngairika.
13Ya Jou Madutu, yadodoa Ngona naruba mapagari,
hiädono moi-moi o nyawa yakaino yakunu yapagele mahohoko?
14O ode o hongana yateda-tedamuku hiädono ibodito,
deʼ o aiwani o tonaka ilua-luasoka yaol̄omo.
15Ya Jou Madutu Duru Noko Kuaha, noboali,
o horogaka de näpulono deʼ Natailako nohi dodiai Ani umati.
16Nahihalamati o umati hokä o angguru magota mautu
mahirete Nadatomoka,
deʼ o angguru madori Nohidadioka ikuata.
17O haturu yatol̄angoka deʼ yatuhukoka;
mal̄aikala önanga Ani dohata yabinaha.
18Nagoana o nyawa Nä iri-irikoka,
o nyawa manga ngohaka Nahi kua-kuatoka mangale Ngona.
19Done ngomi ka Ngonaka de mirehenokaua;
Nogoana tongomi mia ngango, done ngomi aha mini higiriri Ngona.
20Ya Jou Madutu Duru Noko Kuaha, ngomi nomi higilio hoihira-hiraoli,
Nomï pulono ngomi de Ani hininga mamura,
hupaya ngomi mihalamati.
Currently Selected:
O MAZMUR 80: TLB
Highlight
Copy
Compare
Share
Want to have your highlights saved across all your devices? Sign up or sign in
