O MAZMUR 82
82
Ma Jou Madutu o Koano womo Mulia
1O Asaf ai Mazmur.
Ma Jou Madutu watuda o gikiri yolago-agomo manga doomu o horogaka,
daha Unanga wohidöaka maputuhu.
2”Ibötohi nia tailako o perekara nirusi-rusi
deʼ uha nia hiboa o nyawa madorou.
3Nia riwo o ngohaka o gohihi deʼ o nyawa yobole-bole,
nihidöaka o adili o nyawa mihikinika deʼ yoho hangiharaika.
4Nia hibebasi o nyawa yobole-bole deʼ okiaua yakunu,
nia hirehene önanga o nyawa madorou manga giamino.
5Ngini okia-kiaua nihiöriki, nibodo deʼ o ngekomo nia ngohu,
karna ngini, o masyarakat madatoro itiai okaua.
6 #
Yoh. 10:34
Ngohi totemo ngini ganga o gikiri,
ngini mata-mata ma Jou Madutu Duru Wokö Kurutil̄e Ai ngoha-ngohaka.
7Mä ngini aha nihonenge hokä o nyawa,
hokä o nyawa yolago-agomo magetongo, nginiö aha nihonenge.”
8Noboa ya Jou Madutu, nohi hakimi o dunia,
hababu mata-mata o hoana deo berera ganga Tongona.
Currently Selected:
O MAZMUR 82: TLB
Highlight
Copy
Compare
Share
Want to have your highlights saved across all your devices? Sign up or sign in
