O MAZMUR 77
77
O lolaru o huha ma orahoka
1Mangale yonyä nyanyi manga tutuda. Imoteke: o Yeduton. O Asaf ai Mazmur.
2Toma kua-kuatil̄e ngohi toma hiböaka ma Jou Madutuika;
toma kua-kuatil̄e ngohi toma hiböaka, deʼ Unanga woihene.
3O hidehoto magoronaka ngohi tomä niata ma Jouika;
o hutu yahaiwatiki tagoraka ahi giama Unangika koihikihounua,
mä ahi hininga ioluku yalaru.
4Nako ngohi toma hininga ma Jou Madutu, ngohi katokokururihi,
nako ngohi tatötakihiri, ahi hininga kaidogo tamao ihi bole.
5Ma Jou wadiai ngohi takunua ihikioko o hutu-hutu,
ngohi ahi hininga ihuha hiädono takunua totemo-temo.
6Tapiki-pikiri o wange ipaha-pahaika
töhohininga deʼ tatötakihiri o taongo ipaha-pahaika.
7O hutu-hutu ngohi tapiki-pikiri,
deʼ toma leha-leha ahi hininga magoronaka,
8”Mangale kahi ädo-ädonika ma Jou wohi umo
deʼ wohi igo okaua?
9Boteka Unanga woma togumoka womï dora ngomi?
Kowalioka Unanga watotomoli Ai jaji?
10Ma Jou Madutu wawohangoka mangale womï dora?
Unanga wongamo, hiädono koiwa Ai hayanga de Ai dora?”
11Daha ngohi totemo, ”Nënanga doka yahö hiri-hiri ahi hininga,
Duru Wokö Kurutil̄e Wokuaha okaua.”
12Ngohi tomau tohininga hagala Ani manarama Jou,
tohininga Nadodiai ihera-heranga mahiraino.
13Ngohi tomau tatötakihiri hagala Nadodiai,
deʼ tapiki-pikiri Ani gao-gao duru ihöhailoa.
14Ya Jou Madutu, hagala Ani manarama itebini,
nagona manga amoko hokä tongomi mia Jou Madutu?
15Ngona ganga ma Jou Madutu nododiai ihöhera-heranga,
Ani kuaha nohi nyataka o hoana deo berera manga hidogoronaka.
16De Ani kuata nahi bebasi Ani umati,
o Yakub deʼ o Yusuf manga difauku.
17Ini make Ngona, ya Jou Madutu, o akere idadi ihahara,
ya, o ngöto matiti makaima hidahaharuku.
18O lobi yakopoa o awana, o dotoreke iruruhu;
o leletongo iutuku ima kokepeleke.
19O dotoreke itutuhu, o leletongo ijanga-janga,
o dunia igiwi deʼ kaima hidahaharuku.
20Ngona nomä dagi Nanonu o moku-moku,
Natoaka o ngöto, mä Ani rio hamakeua.
21Hokä o gogoana Ngona nätuda Ani umati,
o Musa deʼ o Harun yodadi o dodohanga.
Currently Selected:
O MAZMUR 77: TLB
Highlight
Copy
Compare
Share
Want to have your highlights saved across all your devices? Sign up or sign in
