O MAZMUR 76
76
Ma Jou Madutu Woö utu-utumu
1Mangale yonyä nyanyi manga tutuda. Ihi ginïki deo kecapi. O Asaf ai Mazmur. O nyanyi.
2Ma Jou Madutu duru iwi nako o Yehuda madaeraka;
Ai romanga kayaheto-hetongo o Israel matonakoka.
3O Yerusalem ganga Ai tau mangï;
o Sion ma Doporono Ai gogere mangï.
4Dokengoka Unanga wawede-wederuku mata-mata o parangi mapakakaha,
o toimi madoto mata-mata ileletongo, o dadatoko deʼ o oworo.
5Igoungu Ngona nomulia, deʼ nohailoa,
Noma hiholoi de hagala ol̄oku mahiraino.
6O nyawa yobobarani näoraka;
önanga yakiokoka deʼ aha koyomomikokaua.
O popajurete yopoputurungu
ihihangoka manga kuata.
7Mata-mata o kuda deʼ yobare-barenuku yohonenge yaotaka
mangale Nodorohu, ya o Yakub ai Jou Madutu!
8Igoungu Ngona honï modo-modongo!
Nako Ngona nongamo, o naguna wakunu kairioka?
9O dihanga de yaino Ngona nohi nyata Ani putuhu;
o dunia ihawana deʼ ima rïdi.
10Maöraha Ngona nomomiki de noma okoino nomau nätailako
mangale nahihalamati o nyawa yatö tuku-tuku o duniaka.
11O nyawa duru yohohateraö maini higiriri Ngona,
deʼ kayatoha-tohatika imahi ngöere o karongo manonako yoduka.
12Ani jaji natotomo ma Jouika ani Jou Madutu.
Kokiani hagala o hoana mata-mata ima hitigi-tigika yogogere yoao o huhuba
ma Jou Madutuika hïmodo-modongo.
13Unanga Watobiki yokokuaha manga hininga mahauku;
o kokoano kaima hidahaharuku Ai himangoka.
Currently Selected:
O MAZMUR 76: TLB
Highlight
Copy
Compare
Share
Want to have your highlights saved across all your devices? Sign up or sign in
