O MAZMUR 75
75
Ma Jou Madutu, o hakimi wokö kurutil̄e
1Mangale yonyä nyanyi manga tutuda. Imoteke malugo: Uha nia binaha o Asaf ai Mazmur. O nyanyi.
2Ngomi mini huba Ngona, ya Jou Madutu,
ngomi misyukur Ngonaika
deʼ mihingangahu Ani gao-gao miö hera-heranga.
3Ma Jou Madutu wotemo, ”Maöraha Tohitö tantuoka,
Ngohi aha tohi juru hakimi dema adili.
4Nako o dunia igiwi de yögogogere mata-mata
Ngohi nanga tabö bitu-bitumu maliate.”
5O nyawa yoigo yohohoreto yoelu-eluku, Ngohi tätemo
hupaya uha yohohoretoli yoelu-eluku.
6deʼ o nyawa madorouika,
hupaya uhalinia jako nima ede-edengoli.
Uha nihiamoko nia diri
ekola nia ade-ade de nia edenge.
7Hababu o juru hakimi iboaua o wange mahiwariha ekola o wange madumunoko
kowaliö o koremie il̄e ekola o koreharauku.
8Mä ma Jou Madutu mahirete wahi juru hakimi,
Unanga moi Wahi tipokouku deʼ mahomoa Wahi kurutil̄e.
9Ma Jou Ai dohata hokä o udo-udomo Ai giamoka,
o udo-udomo gënanga madol̄a o angguru ikö kua-kuata.
Ma Jou Madutu wauhe madol̄a,
mata-mata o nyawa madorou o duniaka kokiani yaokere hiädono imata-mataka.
10Mä ngohi aha kahirahi tohingangahu o Yakub ai Jou Madutu,
tohi nyanyi o higiriri Unangika.
11Unanga aha Watobiki o nyawa madorou manga kuata,
ena hioko o nyawa maoa idogo yokuata.
Currently Selected:
O MAZMUR 75: TLB
Highlight
Copy
Compare
Share
Want to have your highlights saved across all your devices? Sign up or sign in
