O AMSAL 4
4
O utumu yamake o barijaino
1Hei o ngoha-ngohaka, kokiani nihigihene niaama ai nasihati! Kokiani nöhohininga nohidodiai gënanga, done ngona aha idadi nosawaro. 2Toni doto-dotoko ngonaika nënanga yaoa, hababu gënanga kokiani uha ngona napulono okiaua yadaene. 3Maöraha ngohi kahi alu-aluhohi, ahidimono manga ngohaka tomatengo-tengoka, 4ngohi ahiama wohïdotoko. Unanga wotemo, ”Kokiani nöhohininga hagala ahinasihati, kokiani uha hakali-kali ngona nawohanga. Nadiai hagala ahihidumutu, hupaya aningango i sanangi. 5Idadi nobarija deʼ nosawaro! Kokiani nöhohininga hagala ahinasihati deʼ uha naumo.” 6Kokiani nohilamoko o barija, done o barija aha inihidöaka o roriwo; kokiani ënanga nöhohininga done ënanga aha ngona inïgoana hupaya kahirahi nosanangi. 7O hali duru ipöparalu kokiani madodihiraka nadiai enaganga nomahihuha laidadi nobarija. Okia dika ngona nanï niki duru natotihira ena ganga nomahihuha namake o mangarati. 8O barija animumukoka natamil̄e, done ngona aha ënanga inihikurutil̄e. Enanga kokiani nakololoino, done ënanga aha inïdotagao o horomati ngonaika. 9Enanga aha inihidöaka ngonaika o bunga yauri-urituku mahöhailoa la idadi animakota.
10Nohihigihene ngohi, ahingohaka! Kokiani nöhininga nohidodiai hagala ahinasihati done aniumuru aha ikurutu. 11Ngohi tonï dotokoka o barija ngonaika deʼ tonihidumutu o wowango madiai madodagi. 12Nako ngona nowango hoko gënanga, done ngona aha initätatokua maöraha ngona notagi, deʼ aha konopelekua maöraha nomapopäta. 13Kokiani nöhininga salalu o dodotoko natotarimaka ngohioko. Nogoana nohidodiai, hababu de o dodotoko gënanga aniwowango aha ihasili. 14Uha nödomoteke o nyawa madorou manga wowango madodagi deʼ uha nöduru toönanga manga manarama. 15Kokiani uha nomälegaika onangika. Nätingaka önanga noma kökurutika deʼ notagi gila-gila! 16O nyawa madorou yodiaiowahi itötotorou yakunua imäidu. Yäbodito owahi o nyawa mahomoa önanga koyäkiokua. 17O dorou deʼ koiwa o hayanga deo dora ganga hokä toönanga manga inomo de manga akere.
18-19O nyawa madorou manga ngekomo ihuhutu hokä o hutu-hutu mahagahutu. Onanga yopeleke deʼ yoruba koihiorikua. I idulu yaino, o ngekomo o nyawa maoa yanönonu ganga hokä o wange malako iboa; idogo itedekana kaidogo itararono, hiädono mabaha idadi kaitotararono.
20Kokiani nöhininga nohidodiai ahidemo-demo, ahingohaka! Nohigihene hagala ahinasihati! 21Kokiani uha naumo, duga-duga kokiani nagogono salalu anihininga magoronaka. 22O nyawa yanako-nako aha yowango deʼ idadi yotumuloa. 23Kokiani nögoana anihininga nohidodiai, hababu anihininga ihitantu aningango mangekomo. 24Kokiani uha hakali-kali nohidemo okianaga moi itotiaiua. Kokiani natingaka nakökurutika o tengeluku mademo-demo deʼ o demo-demo madungutu lao nyawa yahongohu o ngekomo madiai. 25Kokiani anirupa ihimatoko anihininga irikoto; iparaluua ngona nomadiai hokä naga o dode o helewo maporetoka. 26#Ibr. 12:13 Nodiaiowahi kokiani natibanga nohidodiai, done ngona aha nohasili hagala anihidailako magoronaka. 27Kokiani nätingaka o dorou nomakökurutika, deʼ kokiani nowango de anihininga irikoto. Kokiani uha hakali-kali norehene deo ngekomo madiai.
Currently Selected:
O AMSAL 4: TLB
Highlight
Copy
Compare
Share
Want to have your highlights saved across all your devices? Sign up or sign in