O AMSAL 3
3
O nasihati mangale o gogoduru
1Kokiani uha nawohanga okianaga tonï doto-dotokoka ngonaika ahingohaka. Kokiani nöhohininga salalu ahipareta, 2hupaya aniumuru ikurutu deʼ isanangi aniwowango. 3Kokiani ngona kahirahi nongaku deʼ nosetia ma Jou Madutuika deʼ nimahi kokanyawaika. Kokiani nöhininga gënanga deʼ nagogono anihininga magoronaka, 4#Luk. 2:52 hupaya ngona inisanangi deʼ wonietongo ma Jou Madutu deʼ o nyawa.
5Kokiani nïngaku ma Jou Madutuika de anihininga magahumu, de kokiani uha nonganono animangarati mahirete. 6Kokiani nomä hininga ma Jouika hagala moi-moi nadodiai magoronaka, done Unanga aha wonihidumutu ngonaika o wowango maoa-oa madodagi. 7#Rm. 12:16 Uha nomamao anidiri iholoi isawaro namoteke madiai dika; nihingounu ma Jou deʼ natingaka nakökurutika itotorou. 8Ani manarama gënanga aha idadi hokä o houru ngonaika yatötogu-togumu aniroehe deʼ yasanangi anihininga. 9Nïhoromati ma Jou de nohihuba Unangika duru yaoa-oa hagala tongona aniarataino deʼ anitonaka mahasilino, 10done ani gandum matau aha iomanga deo gandum, deʼ aniangguru mateongo aha demaboboloi hiädono nagogono koyawedonua mangï.
11 #
Ayb. 5:17
#Ibr. 12:5-6 Nako ma Jou wonigohara ngona, ahingohaka, natarima gënanga hokä o hohininga moi, deʼ uha anihininga imatoduba Ai dodotokika gënanga. 12#Him. 3:19 Ma Jou wägohara o nyawa Wahohininga, imatero hokä womatengo o ama wïgohara aingohaka wïhaya-hayangia. 13Youtumu o nyawa yodadi yobarija deʼ yamake o mangarati. 14Mautumu iholoi ilamoko ngaro deyamake o haaka, deʼ iholoi maragane deo gurasi. 15O barija iholoi demaragane ngaro deo intan deo folori; mata-mata nonönahihu yakunua imahitero. 16O barija inihidöaka ngonaika o umuru ikurutu, o kaya deʼ o horomati. 17O barija yadiai aningango isanangi deʼ ihalamati. 18O nyawa imahijojö ikekete o barijaika aha yamao o ngango madutu deʼ yosanangi.
19Deo barija, ma Jou wohidadi o dunia;
de Ai akali isosawaro Unanga wohi hohe o dihanga mangïoka.
20De Ai ganako Unanga wodiai o akere matiti o tonaka matimioka ipooteke deʼ ihahuru ma akere
inoli o lobi o dihangoka yakopoa ma akere o duniauku.
21Hababu gënanga, noma hi jojö o barijaika deʼ o dibanga magohakika, ahingohaka! Uha hakali-kali napidili, 22done aningango aha yapaliara – ihailoa deʼ isosanangi. 23Ngona aha notagi nosanangi, deʼ aha konopelekua. 24Ngona aha noiki nomäidu namaoua nohawana, deʼ ngona nomäidu duru inikioko o hutu yahaiwatiki. 25I paraluua ngona nömodongo o bodito itodokanino iboa hokä o rato, deʼ yätapalu o nyawa madorou. 26Ma Jou aha wonï goana ngona. Unanga aha wohiguml̄aua ngona nohodoa o modoiuku.
27Nako ngona de anidagakunu mangale o oa nodiai o nyawaika yöpoparalu ani oa, kokiani uha noluku mangale nadiai o hali gënanga. 28Kokiani uha nähuloko anidodiawo o nyawa yotamä hiädono yarehino, nako o öraha nënanga dika ngona yakunu nïriwo. 29Kokiani uha nödatoro okianagamoi yahirugi anidodiawo o nyawa yogögogere imahitigi-tigika ngonaika deʼ iningaku. 30Uha nimateke ributu mahababu koiwa deo nyawa womatengo komaiwa wodiai itotorou ngonaika. 31Uha nädohata o nyawaika yäpopakisa o nyawa, deʼ uha nomäduru toönanga manga kalakuanga. 32Hababu, ma Jou wädohata o nyawa yadodiai o dorou, mä Unanga wädodiawo deo nyawa manga wowango iriko-rikoto. 33Ma Jou wälolai o nyawa madorou manga tau, mä Wohibarakati manga tau o nyawa iwihingou-ngounu Unangika. 34#Yak. 4:6; 1Pet. 5:5 Ma Jou wädohata o nyawa manga hininga ikökurutil̄e, mä Wahibarakati o nyawa manga hininga itotipokouku. 35O nyawa yososawaro aha manga romanga mabounu mahemoro idogo, ma o nyawa bodo kaidogo itorou.
Currently Selected:
O AMSAL 3: TLB
Highlight
Copy
Compare
Share
Want to have your highlights saved across all your devices? Sign up or sign in