O MATIUS 7
7
Hoka o hakimi o nyawa ika
(Luk. 6:37-38, 41-42)
1”Uha nimadadi hakimi o nyawa mahomoaika, hupaya ngini mahirete, uha winihihakimi ma Jou Madutu. 2#Mark. 4:24 Hababu hoka sarakia ngini niahihakimi o nyawa mahomoa, hoko genangoli aha ma Jou Madutu winihihakimi. Deʼ o duduga niahipäke-päke o nyawa mahomoaika, aha ma Jou Madutu winihipäke ö nginika. 3Yadodoa ho ngini niolega o gota mawal̄e niariadodoto ailako magoronaka, barikua o balaki nialako mahirete magoronaka ngini nia tailakoua? 4Sarakia ngini yakunu nitemo niariadodotika, ’Naino ngohi tohihupu o gota mawal̄e gënanga anilakoka,’ barikua anilako magoronaka mahirete naga o balaki? 5Hei tengeluku! Nohi hupuokahi o balaki anilako mahireteoka, dahaö ngona nölega de madiai, deʼ yakunu nohihupu o gota mawal̄e ani riadodoto ai lakoka.
6Uha nohi döaka o baranga madebi-debini o kahoika, hupaya o kaho gënanga uha imaidulino deʼ inigoli. Deʼ uha nohi döaka o muhutika o odeika, hupaya o ode gënanga uha yadoko-doko o muhutika gënanga.”
Nigahoko, nilingiri, deʼ nitolo
(Luk. 11:9-13)
7”Nigahoko, ngini aha niatarima. Nilingiri, ngini aha niamäke. Nitolo, o ngorana aha inï dobelenga. 8Karana o nyawa yogahoko aha yatarima; o nyawa yolingiri aha yamäke; deʼ o nyawa yotolo aha yädobelenga o ngorana. 9Ngini niahidogoronaka mode naga o ama wahidöaka o helewo ai ngohakika, nako o roti yogahoko? 10Ekola wahi döaka o dodiha, nako o nawoko yogahoko? 11Ngarokö ngini itorou, ngini kania näko nihidöaka okia naga maoa nia ngoha-ngohakika. Maboboloioli nia Ama o horogaka! Una iholoioli aha wahi döaka okia naga maoa o nyawa yogaho-gahoko Unangika.
12 #
Luk. 6:31
Nia hidiai o nyawa mahomoaika hokä ngini nioigo önanga ini hidiai. Genangala o Musa aitita matiti deʼ o nabi-nabi manga dodötoko.”
O ngorana i popeneto
(Luk. 13:24)
13”Niwohama nianonu o ngorana ipopeneto, hababu o ngorana deʼ o ngëkomo yodumutu o narakaika, ilamoko deʼ i wöata, deʼ manga ngöe o nyawa yanonu. 14Mä ipeneto deʼ ihuha o ngorana deʼ o ngëkomo, yä ao o nyawa o ngangoika. Deʼ duga-duga ka manga huhutulu o nyawa yamäke.”
O gota mautu deʼ mahohoko
(Luk. 6:43-44)
15”Nimahidodiai mangale o nabi-nabi madutua. Onanga yaino nginino imahi biono o duba, mä imoteke madiai önanga hokä o kaho honganika itotual̄ono. 16Ngini aha niä näko önanga, toönanga manga manarama mahasiloka. O gota ihohihika ihohokua o angguru, deʼ o momo mahohihika ihohokua o ara. 17O gota mautu iboburereino hamäke o hohoko maoa, deʼ o gota mautu ipopelelakino hamäke o hohoko madorou. 18O gota mautu maboburere hamäkeua mahohoko itorou, deʼ o gota mautu ipopelelaka, hamäkeua mahohoko yaoa. 19#Mat. 3:10; Luk. 3:9 O gota mautu moi-moi i hohokua o hohoko maoa, yatol̄anga deʼ yatuhuku. 20#Mat. 12:33 Hoko genangoli de o nabi-nabi madutua. Ngini aha nianako önanga manga manarama mahasiloka.”
Ma manarama uha kama demo
(Luk. 13:25-27)
21”Mata-mataua o nyawa ihi ahoko Ngohi, ’Jou, Jou,’ aha yodadi ma Jou Madutu aiumati, mä duga-duga o nyawa yadodiai Ahi Ama o horogaka Ai mau. 22O Kiamati ma Wangeoka manga ngöe o nyawa aha yotemo Ngohino, ’Jou, Jou, koigoungua de Ani romanga ngomi mihingahuoka Jou Madutu anibehehongo? Deʼ koigoungua de Ani romangoli Jou, ngomi mia duhuoka o womaha madorou de midiai mangöe o nonako ihëra-hëranga?ʼ 23#Mzm. 6:9 Mä Ngohi aha tohaluhu, ’Ngohi komaiwa tinïnäko ngini! Nioiki nenangokadau, ngini nidodiai o dorou!ʼ ”
O tau yododiai yososawaro deʼ o tau yododiai yobodo-bodo
(Luk. 6:47-49)
24”Aa, o nyawa yoihene Ahi demo nënanga, deʼ yamoteke, ima tero hokä o nyawa yososawaro ihigoko manga tau o helewo mal̄okuoka. 25Maöraha o awana iuti, deʼ o nguihi iböa deʼ o hidal̄oko i puturungu yawuwu o tau gënanga, o tau gënanga irubaua, hababu higokoka o helewo mal̄okuoka.
26Deʼ o nyawa yoihene Ahi demo nënanga, mä yamotekua, önanga imatero hokä o nyawa yobodo-bodo ihigoko manga tau o dowongi mal̄okuoka. 27Maöraha o awana iuti, deʼ o nguihi iböa, deʼ o hidal̄oko i puturungu yawuwu o tau gënanga, o tau gënanga iruba. Deʼ i kilianga duru kahagiria!”
O Yesus ai kuaha
28 #
Mark. 1:22; Luk. 4:32 Mabaha o Yesus wodotoko iböto, deʼ o nyawa naga genangoka duru yohëranga yoihene Ai dodötoko. 29Hababu Unanga wodotoko de makumati, hokä manga guru-guru agamaua.
Currently Selected:
O MATIUS 7: TLB
Highlight
Copy
Compare
Share
Want to have your highlights saved across all your devices? Sign up or sign in
