O IMAMAT 19
19
O debini deʼ o adili matita
1Ma Jou wï huloko o Musa 2#Im. 11:44-45; 1Pet. 1:16 wohiädono o pareta nënanga o Israel ma nyawaika, ”Kokiani ngini nitebini, karana Ngohi ma Jou nia Jou Madutu ganga Totebini. 3#Kel. 20:8, 12; Ul. 5:12, 16 Moi-moi o nyawa kokiani yä horomati manga ayo deʼ manga ama deʼ ihimulia o Sabat mawange hokä Tohipoparetaka. Ngohi ma Jou nia Jou Madutu.
4 #
Kel. 20:23, 34:17; Ul. 17:15; Im. 26:1 Uha niahuba o gomanga. Uha nidiai o dulada o haaka ekola o gurasi deʼ niahuba. Ngohi ma Jou nia Jou Madutu.
5Nako ngini nihihuba o aiwani mangale o dame mahuhuba, nia moteke o datoro-o datoro Tohi döa-döakoka, hupaya o huhuba gënanga Tatarima. 6Ma akeme kokiani yaol̄omo mawange o aiwani gënanga ya toaka ekola yarehino mawange. Ma akeme mahouohi o wange ma hangeoka kokiani yatuhuku yamata-mataka, karana o aiwani ma akeme gënanga iharamu. 7Nako o aiwani ma akeme gënanga kaya ol̄omoli, o huhuba gënanga Ta tarimaua. 8O nagona honanga yaol̄omo o aiwani ma akeme gënanga ya-howono karana yäetongua okia ya tinga-tingakoka mangale Ngohi. O nyawa gënanga yakunokaua yäetongo hokä Ahi umati.
9 #
Im. 23:22; Ul. 24:19-22 Nako ngini niütuku, o gandum iwango nia dumule madate-datekino uha nia utuku, deʼ uha nimakilioro mangale nia toomu o gandum mahou niutuku ipahaino. 10Uha nimakilioro nia angguru madumuleika mangale nia toomu o angguru mahohoko imal̄a-mal̄aika nia pagele madodihiraka hiraka ipahaika. Mahohoko itifa-tifa ukuokaö uha ngini nial̄ë. Genanga nia mal̄aika mangale o mihikini manyawa deʼ o nyawa ma poretino. Ngohi ma Jou nia Jou Madutu.
11 #
Kel. 20:15, 16; Ul. 5:19, 20 Uha nitohiki, nitipu ekola nieluku. 12#Kel. 20:7; Ul. 5:11; Mat. 5:33 Uha nijaji deʼ to Ngohi ahi romanga nako ngini nia dumutua nia ganapu o jaji gënanga, hababu deʼ hoko gënanga ngini nihikauku Ahi romanga. Ngohi ma Jou nia Jou Madutu. 13#Ul. 24:14-15 Uha nia hokoto nia dodiawo o nyawa ekola nia öra manga baranga. Imatengo yokarajanga nginioka manga hewa uha nia tümungu, ngaroka o hutu moi dika. 14#Ul. 27:18 Uha nia lolai o nyawa yatotopongono deʼ uha nia kelenga uku o helewo o nyawa yopilo-piloko manga himangoka. Kokiani ngini nihi horomati deʼ nihï modongo Ngohino, hababu Ngohi nia Jou Madutu.
15 #
Kel. 23:6-8; Ul. 16:19 Ngini kokiani nitotiail̄e nako nia tailako yatiai ekola yahowono, uha niahiboa o mihikini manyawa deʼ uha nia modongo o kaya manyawa. 16Uha nia dohanga o fitana hagala o nyawa nimako hoana moi manga hidogoronaka, hupaya ngini nidadiua o hababu nia dodiawo o nyawa yohonenge. Ngohi ma Jou.
17 #
Mat. 18:15
O nagonaika dika mauha o hininga nia gogono. De onagona dika niatiai niaributu, hupaya ngini nibaradohaua karana o nyawa mahomoa. 18#Mat. 5:43, 19:19, 22:39; Mark. 12:31; Luk. 10:27; Rm. 13:9; Gal. 5:14; Yak. 2:8 Uha niabalaha o hininga nima kogogono deʼ uha niadohata o nyawa mahomoa, mä niädora niadodiawo o nyawa hokä ngini nio dora nia diri mahirete. Ngohi ma Jou.
19 #
Ul. 22:9-11
Nihingounu hagala Ahi pareta. Uha nihimol̄oka o aiwani marupa imakohowono. Uha nidatomo o rupa hinoto o gihihi o dumule moioka. Uha niapake o pakeanga yadodiai de o lawe o rupa hinoto.
20Nako o nauru womatengo wojaji aha womi hukunu ngoi gilaongo o nauru mahomoaika la idadi ngoi hekata paliara, deʼ o nyawa womau womi ija-ija gënanga wofangu owahi, deʼ madutu wohira-hira idadi o röehe moi de magilaongo gënanga, önanga yahinoto kokiani yahukumu, mä yakunua yahukumu yahohonenge, hababu sarakia nagali ma o ngoheka gënanga kangoi gilaongohi. 21O nauru gënanga kokiani woao o duba manauru o dutu moi Ahi Tau mangorana mahimangoka mangale o rugi madagali mahuhuba. 22Ma imam kokiani wohihuba o duba gënanga o debini ma upacara magoronaka hupaya o nyawa gënanga ai baradoha iapongo. Done Ngohi, ma Jou Madutu aha tï apongo.
23Nako ngini niwohamoka o Kanaan mabereraika deʼ nidatomo dokengoka irupa-rupa o gota mahohoko haol̄o-ol̄omo, done ma dekana o taongo hange madodihiraka mahohoko kokiani ngini nia pulono iharamu deʼ yakunua ngini nia ol̄omo. 24O taongo maiatoka mahohoko mata-mata kokiani nihihuba mangale nihinyata nia tarima kase Ngohino ma Jou. 25O taongo mamotoaka de ahao ngini yakunu nia ol̄omo ma hohoko. Nako ngini niadiai o datoro gënanga mata-mata, nia gota mahohoko haol̄o-ol̄omo aha ihohoko iholoi iwoëoli. Ngohi ma Jou nia Jou Madutu.
26 #
Kej. 9:4; Im. 7:26-27, 17:10-14; Ul. 12:16, 23, 15:23, 18:10 Uha nia ol̄omo o awunu. Uha niapake o guna-guna. 27#Im. 21:5; Ul. 14:1 Nia haëke magumurukino uha nia guti matadauru ekola nia kori nia parahi. 28Uha nia paraha niakai la nia tuli-tulihi ekola nia roëhe nia topo-topoko hokä manonako nia hininga ihuha mangale o nyawa yo honenge. Ngohi ma Jou.
29 #
Ul. 23:17
Uha ni hi kauku nia ngoha-ngohaka o ngoheka manga baraguna nia diai önanga manga röehe ya huku-hukunu o gomanga ma tau oka. De nidiai hoko gënanga ngini nia peseke nia berera, deʼ hagala o manarama ipatu-patutua aha idogo-dogo genangokadau. 30#Im. 26:2 Nihimulia o Sabat mawange deʼ nia horomati o ngï ya tinga-tingakoka mangale ihi huba Ngohi. Ngohi ma Jou.
31 #
Ul. 18:11; 1Sam. 28:3; 2Kok. 23:4; Yes. 8:19 Uha nioiki nigahoko o nasihati yogogumaterika yodadi o dodohanga de o nyawa yohone-honenge manga gurumini. Nako ngini niadiai gënanga ngini idadi nia peseke. Ngohi ma Jou nia Jou Madutu.
32Niä dodato deʼ nia horomati o balu-baluhu. Kokiani ngini nihihoromati deʼ nihï modongo Ngohino, hababu Ngohi ma Jou.
33 #
Kel. 22:21; Ul. 24:17-18, 27:19 O nyawa maporetino yogogogere nia bereraka uha nia hidiai itorou. 34Nia hidiai önanga hokä ngini ini hidiai nia hoana ma nyawa deʼ nia dora önanga hokä nio dora nia diri mahirete. Nio hohininga nginiö maniwangoka hokä o nyawa maporetino o Mesir mabereraka. Ngohi ma Jou nia Jou Madutu.
35 #
Ul. 25:13-16; Ams. 20:10; Yeh. 45:10 Uha nia tipu o nyawa mahomoa deʼ nia pake o duduga, i hitiba-tibanga ekola ihi tuga-tuga madutua. 36Nia pake o metere, ihi tiba-tibanga deʼ ihi tuga-tuga ma dutu. Ngohi ma Jou nia Jou Madutu, deʼ Ngohi tiniaoka ngini o Mesir mabereraka deʼ nihupu. 37Nihi ngounu hagala o tita deʼ Ahi pareta. Ngohi ma Jou.”
Currently Selected:
O IMAMAT 19: TLB
Highlight
Share
Compare
Copy
Want to have your highlights saved across all your devices? Sign up or sign in
