O IMAMAT 18
18
Imakoroëhe moi wö duhu-duhunu
1Ma Jou wihuloko o Musa 2wohiadono o Israel manyawaika o pareta nënanga, ”Ngohi ma Jou nia Jou Madutu. 3Uha nia turu o Mesir manyawa manga manarama, o ngï ngini nigogogeroka, ekola o Kanaan manyawa genangika Ngohi aha tinï ao ngini. 4Nihingounu hagala Ahi tita deʼ nia diai okia Tohi popareta. Ngohi ma Jou nia Jou Madutu. 5#Neh. 9:29; Yeh. 18:9, 20:11-13; Luk. 10:28; Rm. 10:5; Gal. 3:12 Nihi ngounu o datoro-o datoro deʼ hagala o tita Tohi döa-döakoka nginika. Nako ngini nidiai hoko gënanga, nia wowango ihalamati. Ngohi ma Jou.”
6Ma Jou wohi döaka o datoro-o datoro nënanga. Uha idadi o röehe moi de nia riadodoto manga ngohaka. 7Uha idadi o röehe moi de ngoni ayo, ani ama ngoi hekata, hababu munanga ani ama ai haku. 8#Im. 20:17; Ul. 22:30, 27:20 Uha nihikauku ani ama de madodagi nima röehe moi de moi ani ngoi hekata mahomoa. 9#Im. 20:17; Ul. 27:22 Uha idadi o röehe moi de ngoni hiranga ekola ngoni hiranga o bobau, kayaoa moamoko o tau moi dede ngona kayaoa moamoko o tau mahomoaka. 10Uha idadi o röehe moi de ani danongo, gënanga aha nö diai o mal̄eke ani diri mahirete. 11Uha idadi o röehe moi de ngoni hiranga nima ama moi ma nima ayo moiua ekola o ayo moi ma nima ama moiua, karana munangö kangoni hiranga. 12-13#Im. 20:19-20 Uha idadi o röehe moi de ngoni owa, kayaoa ani ama ngoi hiranga, ekola ngoni ayo ngomi dodoto ekola ngomi riaka. 14Uha idadi o röehe moi de ani pepe ngoi hekata, karana munangö kangoni owa. 15#Im. 20:12 Uha idadi o röehe moi de ngoni hunungu 16#Im. 20:21 ekola ani riaka ngoi hekata. 17#Im. 20:14; Ul. 27:23 Uha idadi o röehe moi de ami ngohaka ekola ami danongo o ngoheka momatengo nimadö dodiawoka. Yakunu idadi önanga ani dutu, deʼ gënanga o manarama ipatu-patutua. 18Ngoni hekata mahirete kamowangohi uha nokawingi de ani dodoto ngoi hekata.
19 #
Im. 20:18
Uha idadi o röehe moi de o ngoheka momatengo o mede ka imi daenohi, karana munanga naga mopesekuku. 20#Im. 20:10 Uha idadi o röehe moi de o nyawa mahomoa manga hekata, o manarama gënanga yadiai ngona nopeseke. 21#Im. 20:1-5 Uha nihidöaka nia ngohaka imatengo ani mangale ihihuba ya huba o Molokhika, karana o manarama gënanga ihikauku ma Jou Madutu ai romanga, ani Jou. 22#Im. 20:13 O nau-nauru yakunua idadi o röehe moi de o nau-nauru; ma Jou Madutu wodohata o manarama gënanga. 23#Kel. 22:19; Im. 20:15-16; Ul. 27:21 O nau-nauru kayaoa o ngongoheka, hakali-kali yakunua idadi o röehe moi de o aiwani; o manarama madorou gënanga inï peseke ngini.
24Uha nia peseke nia diri de o manarama-o manarama gënanga, hababu de madodagi hoko gënanga hagala o nyawa yogogogere o Kanaan matonakoka yohira de ngini yapesekoka toönanga manga diri. Karana gënanga ma Jou wäduhu önanga hupaya ngini yakunu niö gögere o berera gënanga. 25-27Onanga yadiaioka mata-mata o manarama haemo-emono gënanga, hiädono toönanga manga tonaka idadi ipeseke. Done ma Jou wähukumu önanga deʼ wahigumal̄aua önanga yogogere dokengoka. Mä ngini uha hakali-kali niadiai o manarama-manarama gënanga. Ngini mata-mata, o Israel manyawa deʼ o nyawa ma poretino yogogogere dede ngini, kokiani nihingounu o datoro deʼ ma Jou Aipareta, 28hupaya ngini uha winï hukumu deʼ winï duhu o tonakoka gënanga hokä hagala o nyawa iwi nako-nakoua ma Jou, yogogo-gere dokengoka yohira de ngini. 29Ngini nihi öriki o nagona honanga yadiai o manarama ha emo-emono gënanga yä etongokaua ma Jou Madutu Ai umati.
30De ma Jou wotemo, ”Nihingounu o datoro-o datoro Tohi doä-döakoka deʼ uha nimä duru manga manarama hagala o nyawa yogogogere o Kanaan matonaka yohira de ngini. Uha nia peseke nia diri mahirete deʼ niadiai hagala o manarama gënanga. Ngohi ma Jou nia Jou Madutu.”
Currently Selected:
O IMAMAT 18: TLB
Highlight
Share
Compare
Copy
Want to have your highlights saved across all your devices? Sign up or sign in
