O KELUARAN 37
37
Yodiai o Jaji ma Peti
(Kel. 25:10-22)
1O Bezaleel wodiai o Jaji ma Peti de o gota akasia, magurutu o senti o ratuhu moi de ngimoi, mangoata deʼ magurutil̄e moi-moi o senti mori butanga de butanga. 2Madol̄a deʼ maporete ihilape de o gurasi madutu, daha wodiai o riwoto o gurasi magilolitino. 3De ipaha wodiai o gogoli gurasi iata mangale madodowiti ma gota deʼ ihipake o peti gënanga mal̄ou iatika, o gogoli hinoto magumuruku yogetongo. 4Wodiaiö o dodowiti o gota akasia, deʼ wohilape de o gurasi, 5daha madodowiti magota gënanga wohingohama magogolioko o peti gënanga magumuruku yogetongo. 6De ipaha wodiai o dadamunu o gahumu moi de o gurasi madutu, magurutu o senti o ratuhu moi de ngimoi deʼ mangoata o senti mori butanga de butanga. 7Wodiaiö o malaekat hinoto de o gurasi yatutukoka, 8madadamunu mabarene yogetongo moi. O malaekat hinoto gënanga idadi kamoi de madadamunu, 9deʼ idiai imari himangino, de magahuhu irefeika yatamunuku mapeti gënanga madadamunu.
Yodiai o roti yadodiaiukuoka mameja
(Kel. 25:23-30)
10O Bezaleel wodiai o meja de o gota akasia, magurutu o senti moritufange de tufange, mangoata o senti moruata de iata deʼ ma gurutil̄e o senti mori butanga de butanga. 11O meja gënanga wohilape de o gurasi madutu deʼ magilolitino wodiai mariwoto o gurasi. 12Daha ünanga wodiai mameja madateke mangoata o senti tumidi de mahononga. Madateke gënanga de mariwoto o gurasi yakilolitino. 13Wodiai o gogoli iata mangale madodowiti magota deʼ ihipake malibuku iata mameja mal̄ouika. 14O gogoli mangale madodowiti magota madudumungu ihipake ihitigi-tigika mameja madatekika. 15Madodowiti yadiai de o gota akasia deʼ ihilape de o gurasi. 16Unangö wodiai o dodai, o udo-udomo, o kendi deʼ o mangko mangale o angguru ma akere ihihuba-huba. Mata-mata o meja mapakakaha gënanga yadiai de o gurasi madutu.
Yodiai o hilo mal̄ou
(Kel. 25:31-40)
17O Bezaleel wodiai o hilo matotodenge de o gurasi madutu. Mahohol̄e deʼ majojö yadiai de o gurasi itutukoka. O bunga-bunga ihipoporomu, inoli maboro deʼ maboro mahahawo idadi kamoi de majojö. 18Majojöika gënanga wodiai majaga butanga, majaga hange magumuruku yogetongo. 19Majaga yogetongo wodiai o poromu marupa o niara mabunga hange de maboro deʼ maboro mahahawo. 20Ma jojöika wodiai o poromu marupa o niara mabunga iata de maboro deʼ maboro mahahawo. 21Majaga mahabi yogetongo gënanga matimiuku wodiai o bunga maboro moi. 22I ngodumu o hilo matotodenge gënanga deʼ mabunga maboro de majaga-jaga wadiai o gurasi madutu itutukoka o dogiki moi. 23O hilo mal̄ouika gënanga wodiai o hilo tumidi de mapakakaha mangale ihitebi-tebini o hilo mahubu deʼ madulanga o gurasi madutu. 24Mangale yadiai o hilo matotodenge gënanga deʼ mapakakaha yapake o gurasi madutu o kilo moruange de motoa.
Yodiai o huhuba mangï o dupa yoduhu-duhuku
(Kel. 30:1-5)
25O Bezaleel wodiai o huhuba mangï mangale o dupa yoduhu-duhuku mangï de o gota akasia. O huhuba mangï gënanga madüku ipahagi; magurutu de mangoata moi-moi o senti moruata de motoa deʼ magurutil̄e o senti morihiwo. Malibuku iatö mal̄okuino wodiai o tataduku idadi kamoi de mahuhuba mangï gënanga 26Magumurukino iatö mal̄okuino, deʼ matataduku ihilape de o gurasi madutu deʼ magilolitino wodiai mariwoto o gurasi. 27Wodiaiö o gogoli hinoto mariwoto gurasi matimiuku magumuruku arihohononga mangale yatumungu madodowiti magota o huhuba mangï gënanga. 28O dodowiti gënanga yadiai de o gota akasia deʼ ihilape deʼ o gurasi.
O upacara maminya deʼ o dupa wodiai
(Kel. 30:22-38)
29 #
Kel. 30:22-38
O Bezaleel wodiaiö o upacara maminya deʼ o dupa madutu mabounu mahemo-hemoro, ihiganu hokä o minya mabou-bounu.
Currently Selected:
O KELUARAN 37: TLB
Highlight
Share
Compare
Copy
Want to have your highlights saved across all your devices? Sign up or sign in
