O KELUARAN 16
16
O manna deʼ o totaleo habaiana
1Daha o Israel manyawa o Elim deʼ imäjobo, deʼ o wange ngimoi de motoa o mede mahinotoka ipahaika önanga yamal̄a o Mesir maberera, önanga imahiädono o Sin matonaka ikokakaha oka, o Elim deʼ o Sinai mal̄oku mahidogorona. 2O tonaka ikokakahaka gënanga önanga mata-mata yotaiana o Musa deʼ o Harunika. 3Onanga yato, ”Iholoi yaoa nako ngomi mihonengoka ma Jou womï toma o Mesir mabereraka. Dokengoka kamakuranguku ngomi miakunu migogeruku miol̄omo o hiode ma akeme deʼ o roti hiädono imïpunuhu. Mä ngini nimïao ngomi nenangino hupaya ngomi mata-mata o hahini mihihonenge.”
4 #
Yoh. 6:31
Ma Jou wïtemo o Musaika, ”Oraha nënanga aha Tohi guti o inomo de maboboloi hokä o awana mangale ngini mata-mata. O wange higetongo ngini kokiani nimadoomu o inomo gënanga uha ikuranga mangale o wange moi. De madodagi hoko gënanga Ngohi tomau Tä uji Ahi umati hupaya Ngohi tohi öriki önanga ihi ngounu hagala Ahi pareta ekola kowali. 5O wange mabutangaka önanga kokiani imadoomu o inomo gënanga mangöe ihigali mahinoto.”
6Done o Musa deʼ o Harun yätemo o Israel manyawaika mata-mata, ”O bimaoa nënanga ngini aha nihi öriki ma Jou winï ao ngini o Mesir mabereraka de nihupu. 7Yarehe o ngorumino ngini aha nia make ma Jou Ai himanga ma cahaya. Ma Jou woihene ngini niwi ngamo-ngamo Unangika; i goungu, ma Jouika, hababu ngomi nënanga duga-duga miadiai okia womihi popareta. 8Ma Jou aha winihidöaka ngini o hiode ma akeme o bimaoa, deʼ o roti o ngoru-ngorumino hiädono ngini inï punuhu, karana ma Jou woihenoka ngini niwi ngamo-ngamo Unangika. Igou-goungu, nako ngini nimï ngamo-ngamo ngomino, ngini niwi ngamo-ngamo ma Jouika.”
9De ipaha o Musa wïtemo o Harunika, ”Nähuloko önanga mata-mata yoböa iwïhimanga ma Jou, hababu Unanga woihenoka toonanga manga gurubungu.” 10O Musa kawo temo-temohi onangika mata-mata, önanga imälega o tonaka ikokakahaika de itodokanino ma Jou Ai cahaya yamake o lobi magoronaka. 11Ma Jou wïtemo o Musaika, 12”Ngohi toihenoka o Israel manyawa manga gurubungu. Nahetongo onangika o bobimaoa önanga yakunu yol̄omo o hiode ma akeme, deʼ o ngoru-ngorumino önanga yakunu yol̄omo o roti hiädono yapunuhu. Done önanga aha ihi öriki Ngohi ma Jou, toonanga manga Jou Madutu.”
13Maöraha o bobimaoa i böa o totaleo habiana hiädono duru kahä ngöe hiädono yatamunu yamode-modekika manga tau-tau, de maöraha o ngoru-ngorumino o dumunitara iuti manga tau-tau ihi gilolitino. 14Maöraha o dumunitara gënanga ihaga, yamake o tonaka i kokakaha mal̄okuino okianaga moi ma ngina-ngina hokä o unaha deʼ mamangaluhu hokä o dumunitara itokoruku. 15#1Kor. 10:3 Maöraha o Israel manyawa yamake, önanga ihi orikua gënanga okia. Done önanga imakokeleha, ”Genanga okia?”
Daha o Musa wätemo onangika, ”Genanga o inomo winihi döa-döaka ma Jou nginika. 16Ma Jou wähipareta hupaya moi-moi imadoomu mangöe i maketero de yöparalu, enagënanga o nyawa moi o litere hinoto.”
17O Israel manyawa yodiai hoko gënanga; mä naga imä doomu iholoi de o litere hinoto o nyawa moi deʼ naga ikuranga. 18#2Kor. 8:15 Maöraha önanga yatuga, inyata o nyawa imadoomu iwöe, koiholoiua, deʼ imadoomu mahuhutulu, koikurangua. Moi-moi imadoomu mangöe imatero de yöparalu. 19O Musa wätemo onangika, ”Onagona dika kamahuhutulo de yakunua imä gogono o inomo gënanga hiädono yarehino.” 20Mä yamuruono naga manga hidogoronaka yahaduliua o Musa ai demo. Onanga kayagogonohi o inomo gënanga o hidoku moi. Yarehino inyata o inomo gënanga yogailoka deʼ mabounu mamela; done o Musa wängamo onangika. 21O ngorumino magetongo önanga imadoomu o inomo gënanga imatero mangöe önanga yöparalu, deʼ nako o wange imulaenge ihauku, o inomo imal̄a-mal̄aika o tonakoka gënanga iwaro.
22O wange mabutangaka önanga imadoomu o inomo gënanga ihigali mahinoto mangöe, enagënanga o litere iata o nyawa moi. Mata-mata toönanga manga tutuda yoböa deʼ ihi ngahu o hali gënanga o Musaika. 23#Kel. 20:8-11 O Musa wätemo onangika, ”Nënanga ma Jou Aipareta: Yarehe naga o wange hö dingakoka mangale homahibatongo, o Sabat mawange, o wange hohi huba-huba ma Jouika. Okia ngini nimau nia l̄ofo o wange nënanga, nia l̄ofo, deʼ nia bohoko, okia ngini ni mau nia bohoko. Maboloi o wange nënanga maparalu, nia tingaka deʼ nia gogono mangale iyarehino.” 24Ho, o inomo maboloi gënanga önanga imä gogono mangale i yarehino hokä o Musa wohipopareta o inomo gënanga iamirua deʼ yögailua.
25O Musa wätemo, ”Nenanga nia inomo iti o wange nënanga, hababu o wange nënanga ganga o Sabat mawange, o dodogumu mawange lä niwi horomati ma Jou, deʼ ngini aha kamahuhutulö ma nia makeua o inomo gënanga nimä tau-tau maporetoka. 26O wange butanga madekana kokiani ngini nimadoomu o inomo, mä o wange matumidoka gënanga o dodogumu mawange, deʼ koiwa o inomo iuti o wange gënanga.”
27O wange matumidoka o Israel manyawa yamuruono naga yomau imadoomu o inomo, mä önanga okia-kiaua yamake. 28Daha ma Jou wïtemo o Musaika, ”Hiädono muruonoka ngini nioluku nihingounu hagala Ahi pareta? 29Nimä hohininga Ngohi tinihidöaka o wange moi hupaya nimahibatongo. Mahababu gënanga o wange mabutangaka Ngohi tinihi döaka o inomo kainiwedono o wange hinotoino. O wange matumidoka o nyawa moi-nyawa moi kokiani yogogogere o tauoka, deʼ yakunua yohupu.” 30Hababu gënanga o wange matumidoka önanga yokarajangua.
31 #
Bil. 11:7-8
O inomo gënanga o Israel manyawa yahetongo o manna. Ma gare-garehe ma alu-aluhu hokä o mui ma alu-aluhu deʼ majame hokä o kukusi yadodiai yapake o madu. 32O Musa wätemo, ”Ma Jou wonahuloko ngone hal̄ë o litere hinoto o manna hupaya hagogono mangale tongone nanga difauku, hupaya önanga yakunu yamake o inomo wonahi döa-döaka ma Jou ngoneino o tonaka ikokakahaoka, maöraha ngone wonä ao o Mesir mabereraka de hohupu.” 33#Ibr. 9:4 O Musa wïtemo o Harunika, ”Nal̄ë moi o bohoko, nönoa o manna o litere hinoto madol̄auku deʼ nakelengauku ma Jou Ai himangoka hupaya igogono mamgale tongone nanga difauku.” 34Done o Harun wakelenga o bohoko gënanga o Jaji ma Peti mahimangoka hupaya igogono imamoteke de ma Jou Aipareta o Musaika. 35#Yos. 5:12 O manna gënanga idadi o Israel manyawa manga inomo madekana o taongo moruata nenangoka dei hikaika, hiädono önanga i mahiadono o Kanaan matonakika, o ngï önanga yögogere. 36O duduga okianaga madodogowini o nyawa yapake o öraha gënanga, madol̄a o litere monaoko.)
Currently Selected:
O KELUARAN 16: TLB
Highlight
Share
Compare
Copy
Want to have your highlights saved across all your devices? Sign up or sign in
