O ULANGAN 5
5
Ma Jou Madutu Ai Tita Ngimoi
(Kel. 20:1-17)
1O Musa wä toomu yongodumu O Israel manyawa, deʼ wä temo onangika, ”Roriadodoto, ni ihene o tita-tita ngohi tinihi döa-döaka nginika o wange nënanga. Nimä dotoko o tita-tita gënanga, deʼ nihi ngounu de nia satia. 2O Sinai mal̄okuoka ma Jou tongone nanga Jou Madutu wo diai moi o jaji, 3ka tongone nanga ete deʼ nanga tohoraua dika, mä dede ngone mata-mata nenangoka dau. 4Ol̄oku gënanga o ukuoka de ma Jou womau wotemo-temo igila-gila dede ngini. 5Mä karana ngini nio modongo o ukuika, deʼ nibaraniua nia doa ol̄oku, done öraha gënanga ngohi toma okoino ngini deʼ ma Jou nia hidogorona mangale tohiädono ma Jou Ai demo nginika.
Ma Jou wohi ngahu, 6’Ngohi ma Jou nia Jou Madutu tinï ao-ao ngini o Mesiroka deʼ nihupu, o ngï ngini imä gilaongo.
7Uha nia huba o gikiri mahomoa. Ngohi dika nihi huba.
8 #
Im. 26:1; Ul. 4:15-18, 27:15 Uha nidiai mangale nia diri o dulada imahi rupa okia dika naga o dihangoka, o duniaka ekola o akere magoronaka o dunia ma timiuku. 9#Kel. 34:6-7; Bil. 14:18; Ul. 7:9-10 Uha nia huba o dulada hokä hoko gënanga karana Ngohi ma Jou nia Jou madutu deʼ toluku nihihi tero deʼ okianagaö ma. O nyawa ihi döha-döhata Ngohi Tä hukumu hiädono manga tohora deʼ manga dotumika. 10Mä Ngohi tohi dumutu Ahi dora manga ngohaka deʼ manga danongika deʼ manga ribu-ribuhu hagala o nyawa ihi igo-igo Ngohino deʼ ihi ngounu Ahi paretaika.
11 #
Im. 19:12
Uha nisabaranga nia hetongo Ahi romanga, hababu Ngohi, ma Jou nia Jou Madutu, tä hukumu o nagona dika yapake ihowono Ahi romanga.
12 #
Kel. 16:23-30, 31:12-14 Nihimulia o Sabat mawange deʼ nia horomati hokä o wange itebi-tebini, hababu Ngohi ma Jou nia Jou Madutu tinï hipareta nginika.
13 #
Kel. 23:12, 31:14-15, 34:21, 35:2; Im. 23:3 Ngini tinihi döaka o wange butanga la nimä karajanga, 14mä o wange matumidi ganga o dodogumu mawange itingakoka mangale Ngohi, ma Jou nia Jou Madutu. O wange gënanga kao nyawa moiö ma yakunua yokarajanga, kayaoa ngini, nia ngoha-ngohaka, nia gogilaongo, nia gigini ekola o nyawa ma poretino yogogere nia bereraka. Nia gogilaongo kokiani imahi batongo hokä ngini mahirete. 15Nio hohininga kahuruono ngininimä gilaongo o Mesiroka, daha ma Jou nia Jou Madutu winihi bebasi deʼ o kuata ilago-agomo. Hababu gënanga ngini Tinï hipareta mangale nihi mulia o Sabat mawange.
16 #
Ul. 27:16; Mat. 15:4, 19:19; Mark. 7:10, 10:19; Luk. 18:20; Ef. 6:2-3 Nia horomati deʼ nia paliara nia ama de nia ayo, gënanga Ahi pareta, ma Jou nia Jou Madutu, hupaya ngini nihalamati deʼ nia umuru ikurutu o bereraka aha Tinihi döaka nginika.
17 #
Kej. 9:6; Im. 24:17; Mat. 5:21, 19:18; Mark. 10:19; Luk. 18:20; Rm. 13:9; Yak. 2:11 Uha ni toma.
18 #
Im. 20:10; Mat. 5:27, 19:18; Mark. 10:19; Luk. 18:20; Rm. 13:9; Yak. 2:11 Uha ni hudali.
19 #
Im. 19:11; Mat. 19:18; Mark. 10:19; Luk. 18:20; Rm. 13:9 Uha ni tohiki.
20 #
Kel. 23:1; Mat. 19:18; Mark. 10:19; Luk. 18:20 Uha nihi döaka ielu-eluku mangale o nyawa mahomoa.
21 #
Rm. 7:7, 13:9 Uha nio nahihu o nyawa mahomoa manga kia naga: manga tau, manga tonaka, manga hekata, manga gogilaongo, manga gigini, manga keledai, ekola manga kia dika toönanga madutu.’
22 #
Ibr. 12:18-19
Genanga o pareta-pareta ma Jou wohi döaka nginika ma öraha ngini nimatoomu ol̄okuoka. Maöraha Unanga wo temo-temo deʼ Ai ilingi maruruhu hokä o dotoreke o ukuino deʼ o lobi ipiri-pirini, Unanga wohi döaka o pareta-pareta gënanga, deʼ komahomaua. Daha Unanga watulihi o helewo ituli-tulihika o belaka hinoto deʼ wohi döaka ngohino.”
O Israel manyawa yohawana
(Kel. 20:18-21)
23”Maöraha ol̄oku yamode-modekika ijanga deʼ ngini ni ihene o ilingi o huhutuino, mata-mata nia hoana matutuda deʼ o kawaha mabalu-baluhu yoboa ngohino. 24Onanga yato, ’Ma Jou tongone nanga Jou Madutu wohi matokoka Ai kababaranga deʼ Ai mulia maöraha ngomi mi ihene o ukuoka deʼ wotemo-temo. O wange nënanga ngomi mia hakihioka iigoungu kai yakunu o nyawa kahirahi yowango, ngaroka ma Jou Madutu watemo-temoka onangika. 25Mä yadodoa hoʼ kokiani ngomi mihi taioli mia wowango? O uku homodo-modongo gënanga aha imi binaha ngomi! Ngomi mihi ngounu ngomi aha mihonenge nako mi ihene o Jou ma Jou Madutu wo temo-temoli. 26Mamoi iböto naga o nyawa kahirahi yowango yoihene ipaha ma Jou madutu wowango-wango o ukuoka deʼ wotemo-temo? 27Hababu gënanga, noiki Musa, nohigihene hagala wahö heto-hetongo ma Jou nanga Jou madutu, daha nohiädono ngomino okianaga Wahö heto-hetongo ngonaika. Ngomi aha mi ihene deʼ mihingounu.’
28To ihene gënanga, ma Jou wohitemo ngohino, ’Ngohi toihenoka, okianaga yahö heto-hetongo o nyawa geönanga, deʼ ihi goungu toönanga manga demo. 29Abeika nako önanga salalu manga mamao hoko gënanga! Abeika nako önanga salalu ihi horomati Ngohi deʼ ihi ngounu mata mata Ahi pareta, hiädono önanga deʼ toönanga manga difauku aha yohalamati kahi ado-adonika! 30Noiki öraha nënanga deʼ nahuloko o nyawa geönanga ima kilioro manga tauika moi-moi. 31Mä ngona, Musa, noma kilioro deʼ nogogogere nenangoka dau dede Ngohi; ngonaika aha Tohi döaka o tita deʼ Ahi pareta. Nahi dotoko onangika, hupaya önanga ihi ngounu o bereraka Tahidöa-döaka onangika.’
32Roriadodoto, nihi ngounu de nia setia hagala wohi popareta ma Jou nia Jou Madutu nginika. Kamoiö mauha nia tilakuru o pareta-pareta gënanga. 33Niadiai mata-mata wohi popareta ma Jou nia Jou Madutu nginika, hupaya ngini nihalamati deʼ yakunu kahirahi nigogere o bereraka aha ngini nio gogere.”
Currently Selected:
O ULANGAN 5: TLB
Highlight
Share
Compare
Copy
Want to have your highlights saved across all your devices? Sign up or sign in
