Popular Bible Verses from O ULANGAN 5

Share

Nia horomati deʼ nia paliara nia ama de nia ayo, gënanga Ahi pareta, ma Jou nia Jou Madutu, hupaya ngini nihalamati deʼ nia umuru ikurutu o bereraka aha Tinihi döaka nginika.

Niadiai mata-mata wohi popareta ma Jou nia Jou Madutu nginika, hupaya ngini nihalamati deʼ yakunu kahirahi nigogere o bereraka aha ngini nio gogere.”

Uha nia huba o dulada hokä hoko gënanga karana Ngohi ma Jou nia Jou madutu deʼ toluku nihihi tero deʼ okianagaö ma. O nyawa ihi döha-döhata Ngohi Tä hukumu hiädono manga tohora deʼ manga dotumika. Mä Ngohi tohi dumutu Ahi dora manga ngohaka deʼ manga danongika deʼ manga ribu-ribuhu hagala o nyawa ihi igo-igo Ngohino deʼ ihi ngounu Ahi paretaika.

Uha nidiai mangale nia diri o dulada imahi rupa okia dika naga o dihangoka, o duniaka ekola o akere magoronaka o dunia ma timiuku.

Uha nia huba o gikiri mahomoa. Ngohi dika nihi huba.

Uha nisabaranga nia hetongo Ahi romanga, hababu Ngohi, ma Jou nia Jou Madutu, tä hukumu o nagona dika yapake ihowono Ahi romanga.

Abeika nako önanga salalu manga mamao hoko gënanga! Abeika nako önanga salalu ihi horomati Ngohi deʼ ihi ngounu mata mata Ahi pareta, hiädono önanga deʼ toönanga manga difauku aha yohalamati kahi ado-adonika!

Nihimulia o Sabat mawange deʼ nia horomati hokä o wange itebi-tebini, hababu Ngohi ma Jou nia Jou Madutu tinï hipareta nginika.

Uha nio nahihu o nyawa mahomoa manga kia naga: manga tau, manga tonaka, manga hekata, manga gogilaongo, manga gigini, manga keledai, ekola manga kia dika toönanga madutu.’

Uha ni hudali.

Uha nihi döaka ielu-eluku mangale o nyawa mahomoa.

Uha ni toma.

Uha ni tohiki.

Nio hohininga kahuruono ngininimä gilaongo o Mesiroka, daha ma Jou nia Jou Madutu winihi bebasi deʼ o kuata ilago-agomo. Hababu gënanga ngini Tinï hipareta mangale nihi mulia o Sabat mawange.

Ngini tinihi döaka o wange butanga la nimä karajanga, mä o wange matumidi ganga o dodogumu mawange itingakoka mangale Ngohi, ma Jou nia Jou Madutu. O wange gënanga kao nyawa moiö ma yakunua yokarajanga, kayaoa ngini, nia ngoha-ngohaka, nia gogilaongo, nia gigini ekola o nyawa ma poretino yogogere nia bereraka. Nia gogilaongo kokiani imahi batongo hokä ngini mahirete.

’Ngohi ma Jou nia Jou Madutu tinï ao-ao ngini o Mesiroka deʼ nihupu, o ngï ngini imä gilaongo.