O ULANGAN 22
22
1 #
Kel. 23:4-5
Nako o hapi ekola o duba tonyawa o hoana deʼ o berera moi ihihangika deʼ ngini nia make o aiwani gënanga, uha ni eleku konihi örikua, mä niao o aiwani gënanga, nihi gilio madutuika. 2Nako madutu ai tau magurutika, ekola ngini konihi örikua tonagona madutu, niao o aiwani gënanga nia tauika. Nako ma dutu waino wolingiri, nihi döaka unangika. 3Nia diai hoko genangoli nako ngini nia make o keledai o dutu moi, o pakeanga o dobiki moi, ekola okia dika nia nyawa ni ma kohoana deʼ o berera moi manga kia naga.
4Nako o keledai o dutu moi ekola o hapi tonyawa nimako hoana deʼ o berera moi irubaiha o ngekomoka, uha ni eluku konihi örikua, mä niö riwo nia momikoli o aiwani gënanga.
5O ngoheka yakunua ima pakeanga hokä o nauru deʼ o nau-nauru yakunua ima pakeanga hokä o ngoheka, hababu o nyawa yo dodiai hoko gënanga ma Jou nia Jou Madutu wä dohata.
6Nako ngini nia make o totaleo maigutu o gahumu moi o gota ma utuoka ekola o tonakoka deʼ o totaleo ma ayo itangi uku magohi mal̄okuoka ekola deʼ ma ngoha-ngohaka, uha nia l̄ë o totaleo ma ayo gënanga. 7Ngini yakunu nia l̄ë o totaleo ma ngoha-ngohaka gënanga, mä nia mal̄aika ma ayo ihoho, hupaya ngini nia umuru ikurutu deʼ niwango deʼ nia hasili iwöe.
8Nako ngini o tau nimahi goko, kokiani ngini nihi beloho o pagari makatu madateke magilolitino. Done ngini nimahi tagongua nako naga o nyawa o katuoka gënanga deʼ yä otaka deʼ yohonenge.
9 #
Im. 19:19
Uha nidatomo o dadatomo mahomoa nia angguru ma dumuleoka sawaliua o angguru ma gota mautu. Nako ngini kaniö datomo, ngini yakunua nil̄ë o dumule gënanga mahasili, kayaoa o angguru kayaoa o dadatomo mahomoa.
10Uha nihihabi o hapi o dutu moi deʼ o keledai o dutu moi o pajeko moiooka.
11Uha nia pake o pakeange ihidiai deʼ o wol deʼ o lenan o guguriti moioka.
12 #
Bil. 15:37-41
Nio diai marami-ramini nia pakeange mabarene iatika.”
O dätoro mangale o ngoheka deʼ o nauru manga kawingi
13”O demo ma ade o nauru womatengo wokawingi deʼ o moholehe momatengo, deʼ ipahaika womï igookaua. 14Unanga wodiai o galaki ielu-eluku bari ngoi hekata o moholehe maboroua maöraha önanga yokawingi.
15O hali gënanga magoronaka o ngoheka gënanga ami dimono kokiani yal̄ë o kawingi mangöere naga deʼ ma awunu ma rio, inyata igoungu toönanga manga ngohaka o öraha gënanga kao moho-lehe maborohi. O ngöere gënanga kokiani önanga ihi dumutu o o kota ma balu-baluhika o juru hakimoka. 16O moholehe ami ama gënanga kokiani wätemo onangika, ’Ngohi tihi döakoka ngohi ora o nyawa neunangika modadi ngoi hekata, mä o öraha nënanga ünanga womi igo okaua. 17Unanga wodiai o galaki ielu-eluku deʼ wotemo bari ngoi hekata o moholehe maboroua maöraha önanga yokawingi. Mä nënanga manyonyata igoungu ngohi ora o öraha gënanga ka o moholehe maborohi. Nia tailako o awunu mario ami kawingi ma ngöerika nënanga!ʼ 18Done o kota mabalu-baluhu kokiani iwi ahoko o nauru gënanga deʼ ünanga iwi gohara. 19Onangö kokiani iwi bobangu ünanga o ratuhu moi o tiwi haaka deʼ ihi döaka o tiwi gënanga ngoi toroaika, karana ünanga waboditoka momatengo o Israeloka mangoheka ami horomati. Ikali o ngoheka gënanga kokiani kahirahi idadi ngoi hekata, deʼ yakunua womi oluku ai ngango magurutu.
20Mä o demo ma ade o galaki gënanga igoungu deʼ koiwa ma nyonyata igoungu ngoi hekata gënanga ko o moholehe maboroua ma öraha yokawingi, 21done o ngoheka gënanga kokiani imiao ami dimono manga tau ma goronika. O nau-nauru o bereraka gënanga kokiani imi kaweli deʼ o helewo hiädono mohonenge. O ngoheka gënanga modiaioka okianaga moi mohi mal̄eke manga hoana deʼ manga berera manyawa karana imako röehe moi ihira deʼ mokawingi munanga kamo gogerohi ami ama ai tauoka. De nimi hukumu munanga nia hohihanga o dorou gënanga.
22Nako o nauru womatengo iwi hidatagoko magogiria ünanga ima röehe moi deʼ o nyawa mahomoa manga hekata, yahinotö kokiani yahukumu yahohonenge. De hoko gënanga ngini nia hohihanga o dorou gënanga.
23O demo ma ade o berera magoronaka womatengo o nauru iwi hida tagoko magogiria ünanga ima röehe moi deʼ o moholehe moma tengo naga momaneoka deʼ o nyawa mahomoa. 24O hali gënanga magoronaka kokiani önanga yä ao o kota maporetika deʼ yakaweli deʼ o helewo hiädono yohonenge. O moholehe gënanga kokiani imi toma karana munanga mopoakua mogahoko o roriwo, ena hioko o hali gënanga idadi o kota ma goronaka, kiaka ami boaka yakunu yoihene. De o nauru gënanga kokiani iwi toma karana ünanga ima röehe moi deʼ o moholehe deʼ ami mamaneoka. De nia hukumu yahinotö, ngini nia hohihanga o dorou gënanga.
25Mä hara moioli mahali nako o dumuleoka womatengo o nauru womi pakisa ima röehe moi deʼ o moholehe momatengo momaneoka deʼ o nyawa mahomoa. O hali gënanga magoronaka duga-duga manauru kokiani iwi hukumu iwi hohonenge. O moholehe gënanga yakunua imi sarakia naga karana munanga modiaiua okianaga moi ipatutu imi hukumu imi hohonenge. 26O perkara gënanga hokä o perkara womatengo wï gohara o nyawa mahomoa deʼ witoma. 27O pakisa gënanga idadi o dumuleoka, deʼ ngarokä o moholehe gënanga mopöaka mogahoko o roriwo, mamoiua naga o yaino imïriwo.
28 #
Kel. 22:16-17
O demo ma ade o nauru womatengo iwihi datagoko magogiria womi pakisa ima röehe moi deʼ o moholehe momatengo komo maneuahi. 29O hali gënanga magoronaka kokiani ünanga wofangu o moho-lehe ami amaika gënanga ami huba o tiwi haaka moritoa. O moholehe gënanga kokiani idadi ngoi hekata karana ünanga wo mipakisa ima röehe moi deʼ ami ngango madekana munanga yakunua womi oluku.
30 #
Im. 18:8, 20:11; Ul. 27:20 Ka o nyawa moiö mai yakunua iwi hikauku manga ama deʼ imi hidu momatengo manga ama ngoi hekata.”
Currently Selected:
O ULANGAN 22: TLB
Highlight
Copy
Compare
Share
Want to have your highlights saved across all your devices? Sign up or sign in
