O ULANGAN 23
23
O nyawa yä eto-etongua ma Jou Ai umati
1”O nyawa yä kokabirioka ekola yatobikoka to onauru yakunua yodadi o gegetongo ma Jou Ai umati.
2O mamane mangohaka deʼ mata-mata manga difauku hiädono o lape ngimoiuku, yakunua yodadi o gegetongo ma Jou Ai umati.
3 #
Neh. 13:1-2
O Amon deʼ o Moab manyawa ikali toönanga manga difauku hiädono o lape ngimoiuku, yakunua yodadi o gegetongo ma Jou Ai umati, 4#Bil. 22:1-6 karana önanga yoluku inihi döaka ngini o inomo deʼ o akere maöraha ngini nia dodagi magoronaka o Mesiroka kade nihupu. Maboboloi önanga iwï hewa o Bileam, o Beor aingohaka Petor ma kotaino o Mesopotamia madaeraino, mangale winï lolai ngini. 5#Bil. 23:7–24:9 Mä ma Jou nia Jou Madutu woluku wihigihene o Bileam. I idulu yaino ünanga wangali o lolai gënanga idadi o barakati, karana Unanga winï dora ngini. 6Madekana ngini niwango deʼ kahi ado-adonika, uha niä riwo o hoana deʼ o berera manyawa gënanga ekola nidiai önanga manga ha-sili ilamoko. 7Uha niä pulono o Edom manyawa o kiaua yadaene, karana önanga gënanga nia riadodoto. Uha oli niä pulono o Mesir manyawa okiaua yadaene, karana ngini mamoi iböto nigögere toönanga manga bereraka. 8Imulaenge o baata hangeoka deʼ hikaika toönanga manga difauku yakunu yodadi o gegetongo ma Jou Ai umati.”
Yogoana o tentara manga doomu madebini
9”Maöraha ngini niparangi magogiria, kokiani ngini nimahi rehene deʼ hagala okianaga moi yadiai ngini nipeseke. 10Nako womatengo idadi wopeseke karana iwi kiokoka de to nauru ma akere ihupu kokiani ünanga wamal̄a manga tau madoomu deʼ wogogere maporetoka. 11Ngade-ngade o bimaoa kokiani ünanga woma ohiki deʼ maöraha o wange itumunu ünanga yakunu wolio o tau madoomuino.
12Kokiani ngini nia sadia o ngï o tau madoomu maporetoka mangale nimä l̄ohihi. 13Nako nimau nioiki dokengika niao mahomoa deʼ nia kiahonanga niaoli o gota o dobiki moi mangale o guhu nimä baiti mangï nihupu maporetika deʼ mangale niö pohuku. 14Ma Jou nia Jou Madutu naga de de ngini nia tau ma dol̄a ma goronaka, mangale winï goana ngini deʼ Winihi döaka ngini nia haturu-haturu niä utumu. Done niö goana hupaya nia tau madoomu kahirahi itebini. Uha hiädono yamake okianaga moi ipatu-patutua tingini nia hidogoronaka, hupaya ma Jou uha winï mal̄aika ngini.”
I rupa-rupa o datoro
15”Nako o gilaongo womatengo ai tuangoka deʼ wopiringana waino nginino, wogahoko o roriwo uha niwi huloko wolio. 16Unanga yakunu wogogere nia kota moioka imoteke ai ngongiriki, deʼ ngini yakunua niwihidiai itorou.
17 #
Im. 19:29
O Israeloka imatengo, kayaoa o nauru kayaoa o ngoheka, yakunua yodadi manga röehe yahuku-hukunu o gomanga ma pupuji ma tau-tauoka. 18O tiwiö manga hasilino yakunua yao ma Jou nia Jou Madutu ai Tauika mangale yofangu toönanga manga jaji, hababu ma Jou nia Jou Madutu wö dohata manga röehe ya huku-hukunu o pupuji ma tau-tauoka deʼ toenanga ma hewaino.
19-20 #
Kel. 22:25; Im. 25:36-37; Ul. 15:7-11 Nako ngini nia hibau o tiwi o nyawa dagi-daginoika, ngini yakunu niö gahoko ma bunga. Mä nako ngini nia hibau o tiwi ekola o inomo ekola o baranga mahomoa o nyawaika nimako hoana deʼ o berera moi, yabau-bau gënanga kokiani nia hidöaka ngaro uha deʼ mabunga. Nihingounu o pareta gënanga, done ma Jou nia Jou Madutu wohi barakati hagala moi-moi ngini nia dodiai nia bereraka ngini nio gogogere.
21 #
Bil. 30:1-16; Mat. 5:33 Nako ngini nijaji okianaga moi ma Jou nia Jou Madutuika, uha nia dohu-dohuku mangale nia totomo o jaji gënanga, karana ma Jou nia Jou Madutu kahirahi wögahoko, done ngini ni baradoha nako nia totomua. 22Ngini ni baradohaua nako ngini nidiaiua o jaji ma Jouika. 23Mä nako ngini deʼ nia hininga mahuka nidiai o jaji ma Jou nia Jou Madutuika, ngini kokiani nia totomo.
24Nako ngini magogiriaka nitagi niä boa o nyawa mahomoa manga angguru madumule, ngini yakunu nia ol̄omo o angguru ma hohoko hokokia mangöe ngini niö nahihu, mä yakunua nia toomu o karajauku. 25Nako ngini magogiriaka nitagi niä boa o nyawa mahomoa manga gandum madumule, ngini yakunu nia ol̄omo o gandum nia utu-ütuku deʼ nia giama, mä yakunua nihi utuku deʼ o gugutuku.”
Currently Selected:
O ULANGAN 23: TLB
Highlight
Copy
Compare
Share
Want to have your highlights saved across all your devices? Sign up or sign in
