O ULANGAN 15
15
O taongo matumidoka
(Im. 25:1-7)
1”O taongo matumidoka ihi geto-getongo mabobahaka kokiani ngini nia ehe o nagimi. 2Hoko nënanga madodagi. Moi-moi o Israel manyawa yobö bau-bau o tiwi imahi koko onangika, kokiani yaehe o nagimi gënanga, karana imoteke ma Jou mahirete ai putuhu o nagimi gënanga, iehe oka hoʼ yakunua yogahokoli. 3Ngini yakunu niö gahoko o tiwi ngini nia hibau-bau o nyawa o dagi-daginoika, mä yakunua nio gahokoli o tiwi ngini nia hibau-bau o nyawaika nima teke berera moi.
4Ma Jou nia Jou Madutu aha winihi barakati ngini o bereraka winihi döa-döaka nginika. Done nia hoana deʼ nia berera mahi dogoronaka aha komoiua naga o mihikini manyawa, 5iti yakunu ngini niwihi ngounu ma Jou nia Jou Madutuika, deʼ deʼ nihidodiai nia diai hagala tinihi popareta nginika o wange nënanga. 6Ma Jou nia Jou Madutu aha winihi barakati ngini hokä Winihi jajaji. Ngini aha nia hibau o tiwi o hoana deʼ o berera mangöe, ngöe, mä önanga aha i nï kuahaua ngini.
7 #
Im. 25:35
Nako ahaö ngini nio gogeroka o berera ma Jou nia Jou Madutu winihi döa-döakoka nginika, deʼ o kota moioka naga o nyawa nimako hoana deʼ o berera moi yokuranga, uha nihi akunu nia diri mahirete deʼ nioluku niwibatumu ünanga. 8I idulu yaino, kokiani ngini nia hininga imura deʼ niwihi bau o nyawaika gënanga hokokia mangöe ünanga woparalu. 9Uha ni oluku niwihi bau unangika deʼ mahababu o nagimi iehe ma taongo itigioka. Uha nihigumal̄a o dibanga ma dorou gënanga yongohama nia hiningaika. Nako ngini nioluku niwihibau, o nyawa geünanga aha womahi böaka ma Jouika mangale winikalaki ngini, done ngini aha ihi nyata nia höwono. 10Niwihi döaka unangika deʼ nia hininga isosanangi deʼ nia hininga imore-morene, done ma Jou nia Jou Madutu aha wohibarakati hagala nia usaha. 11#Mat. 26:11; Mark. 14:7; Yoh. 12:8 O Israel manyawa manga hidogoronaka salalu aha niä make yamuruono naga o mihikini manyawa deʼ yokura-kuranga. Hababu gënanga ngohi tinihi pareta mangale nia hininga imura onangika.”
Madodagi o gogilaongo nia hidiai
(Kel. 21:1-11)
12 #
Im. 25:39-46
”Nako womatengo o nauru ekola o ngoheka momatengo nia hoana deʼ nia bereraino yähukunu manga diri yodadi nia gilaongo, ünanga kokiani womanarama o taongo butanga ma dekana. O taongo tumidi magoronaka ünanga kokiani niwihi bebasi. 13Ogilango iwihibebebas genanga yakunua iwi mal̄aiha woiki de ai giama mahomoa. 14Niwihi döaka unangika deʼ nia hininga imura okianaga ma Jou nia Jou Madutu winihi döa-döaka nginika enagënanga o kabingi deʼ o duba, o gandum deʼ o angguru. 15Niohininga ngini mahira o gilaongo o Mesiroka daha ma Jou nia Jou Madutu winihi bebasi; gënanga mahababu ngohi tohi döaka o pareta nënanga nginika.
16Mä nako o gilaongo gënanga woluku woiki karana ünanga winï hininga ngini deʼ nia ngohaka deʼ nia hekata deʼ wosanangi wogogere dede ngini, 17niwi ao ünanga nia tau mangoranika deʼ nia pidaha ai ngauku, done ünanga aha wodadi nia gilaongo ai wowango ma gurutu. Hoko genangö kokiani ngini nimi hidiai nia gilaongo o ngoheka. 18Nako ngini nia hibebasi o gilaongo imatengo uha nima toduba, hababu madekana o taongo butanga ünanga wokarajangoka mangale ngini deʼ ai hewa yolö leleani manga hewa mohononga. Nia diai o pareta gënanga, done ma Jou nia Jou Madutu aha wohi barakati hagala nia usaha.”
O hapi mangohaka deʼ o kabingi deʼ o duba madomoro
19 #
Kel. 13:12
O hapi mangohaka deʼ o kabingi deʼ o duba manauru madomoro kokiani nihihuba ma Jou nia Jou Madutuika. O hapi gënanga yakunua nia pake mangale o pajeko itauru, deʼ o duba gënanga yakunua yakori magogo. 20O taongo ihi getongo ngini deʼ nia ngohaka deʼ nia hekata kokiani niol̄omo o hiode ma akeme ma Jou nia Jou Madutu Ai himangoka, o ngï ma Jou wa iri-irikoka. 21Mä nako o gigini gënanga deʼ ma nabo, hohi ade isuga ekola ipiloko ekola ma nabo itotubuho mahomoa, ngini idadiua nihuba nanga Jou Ma Jou Maduhuika kayaoa yo tebini kayaoa yopeseke yakunu ya ol̄omo manga tauoka, hokä nia ol̄omo o maijanga ma akeme ekola o maijanga ma akeme. 22O nyawa imatengo-imatengo, kayaoa yotebini kayaoa yopeseke yakunu ya ol̄omo manga tauoka, hoka nia ol̄omo o maijana maakeme ekola o kijang makeme. 23#Kej. 9:4; Im. 7:26-27, 17:10-14, 19:26; Ul. 12:16, 23 Ma awunu yakunua nia ol̄omo, mä kokiani nia kopöa otonakuku hokä o akere.”
Currently Selected:
O ULANGAN 15: TLB
Highlight
Share
Compare
Copy
Want to have your highlights saved across all your devices? Sign up or sign in
