O ULANGAN 16
16
O Paska mawange ma Amoko
(Kel. 12:1-20)
1 #
Kel. 12:1-20; Im. 23:5-8; Bil. 28:16-25 ”Nihi mulia o Paska o Abib ma mede magoronaka mangale ni-wi horomati ma Jou nia Jou Madutu, hababu o mede gënanga ma goronaka o hutu-hutu, Unanga winihi bebasi ngini o Mesiroka. 2Nioiki o ngï ma Jou wa iri-irikika mangale nia toaka o dutu moi nia kabingi deʼ nia duba ekola nia hapi hokä nihihö huba-huba o Paskaika mangale niwi horomati ma Jou nia Jou Madutu. 3Nihihö huba-huba o Paskaika gënanga kokiani nia ol̄omo deʼ o roti maragi koiwa-iwa. O wange tumidi madekana kokiani ngini nia ol̄omo o roti maragi koiwa-iwa, hokä maöraha ngini nia mal̄a o Mesir matonaka nima tai-taiti. Nia ol̄omo o roti gënanga, o roti yahö heto-hetongo o huha deʼ o hangihara ma roti, hupaya nia ngango magurutu ngini niohininga mawange ngini nia mal̄a o Mesir, o ngï ngini nihuha deʼ nihangihara. 4O wange tumidi madekana nia berera yamode-modekika kao nyawa moiö ma yakunua yagogono o ragi manga tauoka. Ma akeme o gigini yatoa-toaka o hutu madodihiraka kokiani nia ol̄omo nia mata-mataka o hutu genangohi dika.
5-6O aiwani o gigini mangale o Paska marameanga kokiani ya toaka mangï ma Jou nia Jou Madutu wairi-irikoka, deʼ yakunua o ngï mahomoaka nihi mode-modekika o berera Winihi döa-döaka nginika. O hali gënanga kokiani ngini nia diai maöraha o wange itumunu, hokä maöraha ngini nia mal̄a o Mesir matonaka. 7Nia bohoko o hiode ma akeme gënanga deʼ niol̄omo mangï ma Jou nia Jou Madutu wairi-irikoka, daha yarehino o ngoru-ngorumino nilio nia tauika. 8Madekana o wange butanga ima koki nïkika kokiani ngini nia ol̄omo o roti maragi koiwa-iwa. O wange matumidoka kokiani ngini nima toomu mangale niwi huba ma Jou nia Jou Madutu. Uha nikarajanga o wange gënanga.”
O gugutuku ma Rameanga
(Kel. 34:22; Im. 23:15-21)
9 #
Im. 23:15-21; Bil. 28:26-31 ”Nia etongo o minggu tumidi kade nimulaenge o wange madö dihiraka ngini ni utuku o gandum, 10daha nihi rame o Gugutuku ma Rameanga mangale niwi horomati ma Jou Nia Jou Madutu. O wange gënanga niao nihihö huba-huba deʼ nia hininga mahuka imoteke ma amoko o rijiki Winihi döa-döaka nginika. 11Ma Jou nia Jou Madutu Ai himangoka, o ngï Wairi-irikoka, kokiani ngini nimorene nimako moteke deʼ nia ngoha-ngohaka, nia gilaongo deʼ o Lewi manyawa, o nyawa o dagi-dagino, o ngohaka o gohihi deʼ o bobao naga yogö gogere nia bereraka. 12Nihi ngounu mata-mata Ai pareta deʼ nia setia, deʼ uha nia wohanga mahira ngini o gilaongo o Mesiroka.”
O tau-tau o Hoka-hoka ma Rameanga
(Im. 23:33-43)
13 #
Im. 23:33-36, 39-43; Bil. 29:12-38 ”Mata-mata nia gandum nia hidoroka deʼ mata-mata nia angguru mahohoko nia teoka deʼ iböto, kokiani ngini nihi rame o Tau-tau o Hoka-hoka ma Rameanga madekana o wange tumidi. 14Nimahi sosanangi kama moi deʼ nia ngoha-ngohaka, nia gilaongo, o Lewi manyawa, o nyawa o dagi-dagino, o ngohaka o gohihi deʼ o bobao yogogogere nia bereraka. 15Madekana o wange tumudi kokiani ngini nihi rame o rameanga gënanga mangale niwi horomati ma Jou nia Jou Madutu mangï Wairi-irikoka. Nimorene, karana ma Jou nia Jou Madutu wohi barakatioka, o tonaka mahasili deʼ nia karajanga.
16Mata-mata o Israeloka ma nau-nauru kokiani yoböa iwi huba ma Jou nia Jou Madutuika mangï ma Jou wairi-irikoka o taongo moi mahange, enagënanga o Paska ma Wange ma Amoko, o Gugutuku ma Rameangoka, deʼ o Tau-tau o Hoka-hoka ma Rameanga. O nyawa moi-moi kokiani yäo ihihö huba-huba, 17imoteke manga dagakunu, ima moteke deʼ amoko o rijiki ma Jou nia Jou Madutu wahi döa-döaka onangika.”
Ihi dagi o adili madodagi
18”O berera yogetongo ma Jou nia Jou Madutu winihi döa-döaka nginika, kokiani ngini niä goraka o haki-hakimi deʼ yomomana-rama mahomoa mangale yahihakimi o kawaha deʼ ma adili. 19#Kel. 23:6-8; Im. 19:15 O putuhu ya l̄ë magoronaka, önanga yakunua yodiai manga hininga mahuka ekola yatubuho mahonongaika. Onanga yakunua ya tarima o uru mabobokumu, karana o uru mabobokumu gënanga yä piloko o nyawa, maboboloi o nyawa yososawaro deʼ manga hininga irikoto, hiadono o putuhu yogelenga koi adilua. 20Kokiani ngini salalu niadili, supaya yakunu kahirahi ni gogere deʼ niwango okiaua makuranga o bereraka ma Jou nia Jou Madutu winihi döa-döaka nginika. 21#Kel. 34:13 Nako ngini nidiai o huhuba mangï mangale ma Jou nia Jou Madutu, uha mahonongaka nia kalenga uku o gomanga ma daluda o gota manonako, 22#Im. 26:1 deʼ uha nihi goko o liate mangale nia puji o gomanga, karana ma Jou nia Jou Madutu wö dohata o manarama gënanga.
Currently Selected:
O ULANGAN 16: TLB
Highlight
Share
Compare
Copy
Want to have your highlights saved across all your devices? Sign up or sign in
