2 KORINTUS 3
3
Pelayan-pelayan janjai de blau
1Jano keme muloi igai mujai dirai keme? Atau jano perlu keme awei tun-tun luyen kemten su'et pujian ngen ko atau kunei ko? 2Koba su'et pujian keme de tetulis lem atei keme, de tun namen ngen dapet baco kute tun. 3#Kel. 24:12; Yer. 31:33; Yeh. 11:19, 36:26 Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.
4Keme madeak awei o kerno keyakinan keme teadep Allah liwet Kristus. 5Keme coa temuan sesuaktau alasan utuk madeak bahwo keme sanggup menea kerjo yo, tapi Allah de melei kemampuan o ngen keme. 6#Yer. 31:31 Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.
7 #
Kel. 34:29
Pado waktau janjai de mbin matei o nea ngen nukir neak butau, cahayo Allah besinea teang neak papea Musa. Cahayone kebiak te'ang sehinggo bangso Israel coa sanggup kemliak papea Musa, kunyau cahayo neak papea o muloi pudea pado waktau o. Amen pelayanan o teko ngen kemulioan de awei o, 8padeak lebiak lai igai kemulioan de semerto pelayanan Roh! 9Amen pelayanan de mipin ngen penghukuman o mulio, padeak lebiak mulione igai pelayanan de mipin ngen pembenaran. 10Sebeneane jano de bel'o naggap mulio, amen mbanding ngen kemulioan de mengatasi kute sesuaktau yo, samo sekilai coa temuan tai. 11Amen sesuaktau de taen cuma sementaro, kebiak te'ang, paset bae sesuaktau de kekal lebiak te'ang igai.
12Kerno keme temuan harapan de awei o, mako keme binai madeak awei o. 13#Kel. 34:33 Keme coa awei Musa de temutup papeane ngen kain supayo bangso Israel coa kemliak cahayo Tuhan dong padem ngen nyep neak papeane. 14Pekeran tobo'o bi tetutup. Sapei pado bilai yo kulo pekeren tobo'o masiak tetutup ngen selikep pado waktau tobo'o mbaco bukau-bukau tetang janjai de an. O coa tukok, kerno cumu lem Kristus selikep o nam tukok. 15Bahkan sapei bilai yo, tiep kilai tobo'o mbaco kiteb Musa, ade kain de temutup atei tobo'o. 16Tapi amen suang tun belek moi Tuhan, mako selikep o nemok kunei papea tun o. 17Sebab Tuhan adeba Roh; ngen neak ipe ade Roh Tuhan, neak di ade kemerdekaan. 18Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.
Currently Selected:
2 KORINTUS 3: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
