ROMA 16
16
Salam
1Uku lok melei namen saudari ite, Febe. Si temulung jemaat neak Kengkrea. 2Temimoba si sebagai saleak su'ang kunei umat Tuhan. Memang awei'oba tun-tun de pecayo ngen Allah harus temimo do ngen de luyen. Tulungba si, amen si perlu batuan kunei udi, kerno si su'ang bi temulung dau tun – termasuk uku.
3 #
Kis. 18:2
Semapei salamku ngen Priskila ngen Akwila, kekuat uku de samo-samo kerjo utuk Kristus Yesus. 4Tobo'o gesea matei kerno lok semlamat uku. Uku mokasiak ngen tobo'o – ngen iso uku bae, tapi kute jemaat bangso luyen de iso Yahudi kulo mokasiak ngen tobo'o. 5Semapeiba kulo salam uku ngen jemaat de bekopoa neak umeak tobo'o.
Salam ngen Epenetus de uku kasihi. Siba tun de pertamo-tamo pecayo ngen Kristus neak daerah Asia. 6Salam uku kulo ngen Maria. Si bi kerjo keras utuk udi. 7Semapei kulo salamku ngen Andronikus ngen Yunias. Tobo'o do sukau bangso ngen uku, ngen perneak masuk sel besamo-samo uku. Ayok uku pecayo ngen Kristus, tob'o bi lebiak dute pecayo. Tobo'o terkenal neak antaro para rasul.
8Salam ngen Ampliatus, de uku kasihi kerno si samo-samo ngen uku bi jijai do ngen Tuhan. 9Semapei hormat uku ngen Urbanus, kuat ite de bekerjo besamo-samo ngen ite utuk Kristus. Kulo hormatku ngen Stakhis de uku kasihi. 10Salam ngen Apeles. Kesetiaanne ngen Kristus bi terbukti. Salam kulo ngen keluargo Aristobulus, 11ngen Herodion. Si do sukau bangso ngen uku. Kulo salam ngen saudaro-saudaro do imen lem keluargo Narkisus.
12Salam uku ngen Trifena ngen Trifosa de bekerjo keras melayan Tuhan, ngen Persis de uku kasihi. Si kulo bi kerjo keras utuk Tuhan. 13#Mrk. 15:21 Salam utuk Rufus ngen indokne, de bagiakku awei indokku su'ang, Rufus adeba tun piliak Tuhan de tepujai. 14Semapeiba salam uku ngen Asinkritus, Flegon, Hermes, Patrobas, Hermas, ngen kute saudaro do imen de besamo-samo ngen tobo'o. 15Salam ngen Filologus ngen Yulia; ngen Nereus ngen saudaro selaweine; ngen Olimpas ngen kute tun pecayo de besamo-samo ngen tobo'o.
16Bersalam-salamba seca'o mesra sebagai saudaro Kristen. Kute jemaat Kristus semapei salam tobo'o ngen Saudaro-saudaro.
Nasehat terakhir
17Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o. 18Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano. 19Kute tun bi namen bahwo udi setia ngen ajaran tetang Bito Baik de kunei Allah. Ngen uku senang das hal o tetang udi. Uku lok supayo udi bijaksana tetang hal-hal de baik, ngen ubo tetang hal-hal de kidek. 20Allah de melei sejahtera ngen manusio, bakea segro mpek Iblis neak beak kuasonu ngen majuane.
Semoga Saudaro-saudaro bogoa diberkati Yesus Kristus Tuhan ite!
21 #
Kis. 16:1
Timotius, kuatku, semapei salamne ngen udi. Awei o kulo Lukius, Yason ngen Sosipater, de do sukau bangso ngen uku.
22De temulis su'et yo adeba uku, Tertius. Uku mucep salam persaudaraan ngen udi.
23 #
Kis. 19:29; 1Kor. 1:14; 2Tim. 4:20 Gayus mbo salam ngen udi. Uku nupang neak umeakne ngen jemaat keme kulo berbakti neak di. Erastus, pemipin keuangan kota, mbo salamne ngen udi. Awei o kulo saudaro ite Kwartus.
[24Semoga Tuhan ite Yesus Kristus melei berkat ngen Saudaro kutene. Amin.]
Penutup su'et
25Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen. 26Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah. 27Siba do-done Allah, Si mahabijaksana.
Semoga Si jenunjung selamo-lamone liwet Yesus Kristus! Amin.
Hormat keme, Paulus, hamba Kristus Yesus
Currently Selected:
ROMA 16: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
