JONA 3
3
Jona Yahulira Yahova
1Kandi Yahova yamoloma ku Jona, lwa kaviri. 2Yavoola, “Zia Nineve, lidaala linene yilio, wilwaziri avandu zana likuva liamali kukuha.” 3Kunangwa, Jona yahulira Yahova kandi nazia Nineve kolondekana ni likuva lia Yahova. Lidaala lia Nineve liali linene ligali; kali liavugula madiku gavaga kogenda kuvitira mulio vugika. 4Jona yaatanga kuvitira mu lidaala, kandi inyima wokogeenda lidiku liosi, yilwaza navoora, “Inyima wa madiku arubaini, Nineve liradivizwa.”
5Avandu va Nineve vasuuvira likuva lia Nyasaye. Kunangwa valandiza ndi, mundu woosi kuduuka ahonge lilia; kandi avandu vosi, kutura ku munene kuduuka ku mukekeeke, viviiki zinguvu zia magunia kumanyia ndi, vamali kwiganira.
6Lwu mwami wa Nineve yahulira goosi agaali nigekolekaa, yatura kondeve yu vwami, natuliza iganza yeye yu vwami, ni yiviika zinguvu ziamagunia, ma niyikara mu ligoke. 7Kunangwa, yaatuliza lilago kulandizira avandu va Nineve ndi, “Yili liveeye lilaga kutura ku mwami kandi ku vatumikiri vaveeye hasi hehe. Mundu woosi atazazama kindu choosi kali hakuzu mba; avandu vosi, noho zing'ombe, noho magondi: vitalia noho kunwa amazi mba. 8Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu. 9Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”
10Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.
Currently Selected:
JONA 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
