JONA 2
2
1Kutura musi, munda mwisuzi, Jona yasaala ku Yahova Nyasaye weve:
2“Mu kivi change, O, Yahova, ndaanira ku ivi, kandi ivi waandivulira.
Kutura musi mwi kihadisi, ndaanira nyoore ovokonyi, na ivi wambulira.
3Ivi wasiuva mu luliva kulwaalo lwinyanza.
Amazi manene gangumbiriza;
viguvuli vivio ni viihi viosi viavitira ku inzi.
4Ndaganagana ndi ndeveeywe ichova,
ihale kutura imbiri wi zimoni zizio;
simbeeye olola litembeli liilio litakatifu kandi mba.
5Amazi gangumbiriza nigasesera;
inyanza yululiva yangumbiriza ligali,
indiva yu munyanza yilingirwa ku mutwi gwange.
6Ndiyina musi kuduuka hi vigulu vitangira,
mu kivala chi virivwa viacho viahanwa mihiga ni mihiga.
Navuzwa ivi O, Yahova Nyasaye wange,
waanzilanyia kutura mu vogo nimbeeye mwoyo.
7Lwi livamwoyo liange liali nilitura mu inzi, ndasaara ku ivi, O, Yahova,
kandi ivi wahulira lisaala liange,
mu litembeli liilio litakatifu.
8Yavo avasigamiraa vifananyi via vuzwa
vamali koleka uvusuuvirifu vwavo ku ivi.
9Navuzwa ndimba zinyimbu zie lizominywa ku ivi;
ndahaana ku ivi kisiuviriru,
kandi ndakora agaamali kulaga.
Ovohonyi vuturaa ku Yahova!”
10Yahova yalaga isuze iluki Jona ku lujinga lwinyanza. Naye yakola ndio.
Currently Selected:
JONA 2: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
