JONA 1
1
Jona Yatinguha Yahova
1Lidiku lilala, Nyasaye Wuvunyali yamoloma ku Jona Mwana wa Amitai. 2Yamuvolera, “Zia Nineve, lidaala linene yilio kandi wilwaze kulio, kigira mali kolola uvudamanu vwa avandu valio.” 3Navuzwa Jona yiruka kutura ku Yahova nazia Tarishishi#1:3 Tarishishi: Yili ni lidaala liveeye mu kivala cha Sipeini.. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.
4Navuzwa Yahova yatuma kihuzuzi kenene kunyanza, kandi chahuuza ninduuta enene ligali, kali iliato liali ahimbi kuvunanywa. 5Aveeremi voosi vaali nuvuti vonene ligali kandi vuli mundu yanira anyoore ovokonyi, kutura ku munyasaye weve mwene. Kunangwa, vasiuva ivindu via vaali nivagingi munyanza mbula vagehizi uvulitu vwi iliato. Ing'inga yene yeyo, Jona yaali naaziyi mulwaalo mwiliato; naagonaa.
6Kunangwa, munene wi iliato yamunyola yo namuvolera, “Okolaa ki, Ogonaa? Vuka, waniri nyasaye woovo mbula yakokonya. Hawundi alakovererera ma akohonyie, kuvuli kudiva.”
7Aveeremi vavolerana nuwache, “Gendi kukubi ikura. Kuduuki kumanya nivwaha ugili uvuhiimwa yivu nivuduuka ku kunyi?” Vakora ndio, na ikura yagwira Jona. 8Kunangwa vateva Jona, “Kalunu, Mwaza, kovolere! Ni vwaha udulwa kigira uvudinyu yivu? Okolaa ki hano? Uturaa mu kivala ki? Oveeye wi ihiiri ki?”
9Jona yativura, “Inzi mbeeye Muheburaina. Sigamira Yahova Nyasaye wu mwigulu, uwalomba lirova kandi inyanza.”
10Avandu yavo vaali nuvuti vonene ligali, nivamuteeva; “Ninguuva ki yiyi ya okoli?” Yavavolera ndi, yiruka kutura ku Nyasaye.
11Kihuzuzi kenene chaali nikemedaa kuhinulanyia inyanza. Kunangwa vamuteeva; “Kokora ki ivi inyanza iduuki kolengera?”
12Jona yativura, “Musiuvi munyanza na ilalengeera. Manyi vulahi gaveeye kigira vudamanu vwange munyi mugumiriywi mu kihuzuzi kenene chimbuuza yiki.”
13Navuzwa muvogono yivwo aveeremi yavo vageriza koleta iliato kulujinga, nivatumikira zinguru ziavo ziosi. Sivanyala kindu choosi mba, kigira kihuzuzi chameeda kuhinulanyia inyanza. 14Kunangwa vanira ku Yahova nivavoora, “O, Yahova, kukusaala, utahaana mageri gi likuza Kigira ligotiza livamwoyo liu mundu mulala uyu mba. Ivi, O, Yahova, niivi okoli yaga goosi, yili liveeye likora liilio.” 15Maku vavugura Jona nivamusiuva munyanza, kandi inyanza yalengera lwene yilwo. 16Yiki chakola aveeremi kutia Yahova ligali, kali nivahaana visiuviliru, nivalaga kumutumikira.
17Ku lilaga lia Yahova, isuzi enene yaamira Jona, kandi yaali mundu mwisuzi ku madiku gavaga, mbasu nuvudiku.
Lisaala lia Jona
Currently Selected:
JONA 1: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
