LIZULIZA 11

Ovonene vwa Yahova

1“Muyanze Yahova Nyasaye winyu, kandi mulonde malago geege goosi kazozo. 2Mwizurizi gamumali kwiga kalunu kigira yahova kuvitira mu vikolwa vivie nimunyi sivali vana vinyu, navuzwa nimunyi vamwalola vikolwa vivie mwalora ovonene vwivwe, zinguru zizie guvunyali vwivwe, 3ni ivilolekizu vivie. Mwalora icha yakola ku mwami wa Egebeti kandi mu kivala chiche choosi. 4Mwalora kuli Yahova yadiviza liihi lia Egebeti, harara ni zibarasi ziavo kandi namagare gu vulwani gaavo mu inyanza nzakanyu lwa vaali nivamulondereraa. 5Munyi mumanyi aga Yahova yamukolera mu changalangwe nimukiri kuduuka hano. 6Mwizulizaa aga yakola ku Dazani na Abiramu, avayaayi va Eliabu, wi ihiiri ya Rubeni. Imbiri wi zimoni zia avandu vosi, lirova liakunuluka kandi nilivadiviza vosi, harara na avizinyumba ziavo, namahema gaavo, navatumikiri vaavo vosi, kandi nimitugu jaavo. 7Yee munyi nivo avamali kolola vindu vinene ni viokogenyia yivi viosi via Yahova amali kokora.

Uvugasu vwi kivala cha mwa suuvirizwa

8“Muhuliri malago goosi ga inzi mali kuhaana ku munyi kalunu. Maku mulambuka mugera gwa Jorodani nukuvugula kivala cha muveeye ahimbi kwingira mu. 9Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo. 10Kivala cha muveeye ahimbi kuvugura sikeveeye kuli kivala cha Egebeti wa mwamenyaa maziambiri mba. Uwene yeyo, lwa mwamiza vuguza, mwayinzira vudinyu kusama milimi jinyu. 11Navuzwa kivala cha muveeye ahimbi kwingira mu keveeye chivigulu namavoona, kivala kenyoolaa amazi gimbula. 12Yahova Nyasaye winyu alindaa kivala yicho, kandi ahenzaa kucho kazozo kutura mulitanga liu muhiga kuduuka mu limalirika liagwo

13“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi. 14Ni mukora ndio, alatuma imbura mu kivala chienyu mu zing'inga ziayo, imbura yukutanga kandi imbura yi chuvwi, kunangwa muduuki kuva nuvuswage, iwaini kandi maguta ga muzeituni. 15Alamuha kandi vunyasi mu milimi jinyu kigira mitugu jinyu. Mulava ni viukulia viosi viamwenyaa. 16Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi. 17Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

18“Mwizurizi amalago yaga na mugalindi vulahi. Mugavohe ku makono ginyu kandi ku vweni vwinyu gave chukwizulizira ku. 19Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa. 20Mulagang'oda ku mariva gizinyumba zienyu kandi ku virivwa vienyu. 21Maku, munyi harara na avana vinyu mulamenya ing'inga indambi mu kivala cha Yahova Nyasaye winyu yasuuviriza kuhaana ku avaguuga vinyu. Mulamenya yo kolohoono lwi ligulu liveeye igulu wi lirova.

22“Mulonde amalago gamali kuhaana kumunyi yaga goosi nu vusuuvirifu muyanze Yahova Nyasaye winyu, mukore vindu viosi via amulagaa kandi muve avasuuvirifu kuye. 23Maku alakunga zihiiri yizio ziosi lwa muva nimuzingilira, namulavugula kivala choosi keveeye chi zihiiri ziveeye zinene kandi ziezingulu ligali kuvita munyi. 24Hoosi hi zinduvatiru zienyu ziseena, halava ahinyu. Lwako lwi kivala chienyu lulava kutura ku changalangwe lovega lwisavalu kuduuka ku vigulu via Lebanoni lovega lwa Ivaale; kutura ku mugera gwa Efurate lovega lwivugwi kuduuka kali ku Inyanza ya Meditareniani mu lovega lwimadioli. 25Sihaveeyeho numundu usingira kuhing'ana nimunyi mba. Yahova Nyasaye winyu, kuli yamusuuviriza, alaviika lidegela nilitihiza lienyu ku kivala choosi, hoosi aha muzia.

26“Heenzi, kalunu mbana kumunyi vunyali mutovole hagati hu uvugasu ni kilaamo, 27uvugasu niiva mulahulira malago ga Yahova Nyasaye winyu, aga muheezaa kalunu; 28navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri. 29Lwa Yahova Nyasaye winyu amuleeta mu kivala cha muzizaa kuvugura, gamudukira mulandizi uvugasu kutura ku Kiguru cha Gerizimu kilaamo kutura ku Kiguru cha Ebali. 30(Vigulu viviri yivi viveeye imadioli wu mugera gwa Jorodani. Viveeye ku lovega lohenza imadioli, ahatali ihale ni misaala mitakatifu ja More, ahimbi ni lidaala lia Giligali.) 31Muveeye ahimbi kwambuka mugera gwa Jorodani nukuvugula kivala cha Yahova, Nyasaye winyu amuhezaa. Lwa muvuguraa kivala zana, kandi nimumenyi yo vulahi, 32mulole ndi mulondi malago goosiikalaga liosi lia muheezaa kalunu.

Currently Selected:

LIZULIZA 11: LOGOOLI

Highlight

Copy

Compare