Popular Bible Verses from LIZULIZA 11

Share

Mwigizi malago yaga ku avana vinyu. Mugavoole lwa mwikalaa hango kandi lwa mugendaa kunzira; lwa musosaa kandi lwa muyinzilaa.

“Mwizurizi amalago yaga na mugalindi vulahi. Mugavohe ku makono ginyu kandi ku vweni vwinyu gave chukwizulizira ku.

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi. Ni mukora ndio, alatuma imbura mu kivala chienyu mu zing'inga ziayo, imbura yukutanga kandi imbura yi chuvwi, kunangwa muduuki kuva nuvuswage, iwaini kandi maguta ga muzeituni.

“Muyanze Yahova Nyasaye winyu, kandi mulonde malago geege goosi kazozo.

“Heenzi, kalunu mbana kumunyi vunyali mutovole hagati hu uvugasu ni kilaamo, uvugasu niiva mulahulira malago ga Yahova Nyasaye winyu, aga muheezaa kalunu; navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri.

Mulagang'oda ku mariva gizinyumba zienyu kandi ku virivwa vienyu. Maku, munyi harara na avana vinyu mulamenya ing'inga indambi mu kivala cha Yahova Nyasaye winyu yasuuviriza kuhaana ku avaguuga vinyu. Mulamenya yo kolohoono lwi ligulu liveeye igulu wi lirova.

Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi.