Zekaria 5
5
1Ma kandi nda ginga tsimoni tsyange, nokulola, henza, kya lingwa kuli lududu kyokubuluka. 2Naye ya nteva, U lola ki? Nda mu tivulira, Ndola kya lingwa kuli lududu kyokubuluka; butambi bwakyo ligera lya makono makumi gaviri, nobugalamu bwakyo ligera lya makono likumi. 3Ma ya mbolera, Yili ni lilaama li twulanga kutsia mu mmoni mwekivala kyosi: kigira ku vosi wivanga a la twulidzwa ku luvega lulala kuli kyokulingwa yiki; noku vosi mundu wesuhanga a la twulidzwa ku luvega lundi kuli kyokulingwa yiki. 4Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.
5Hene yaho ingelosi wa volerana ninze ya twula, nokumbolera, Ginga tsimoni tsitsyo kalunu, u lole ni kindu ki ki twulanga. 6Na nda teva, Ni kindu ki? Naye ya vola, Yiki ki veye efa i twulanga. Na kandi ya vola, Yili ni liloleka lyavo mu kivala kyosi 7(kandi, henza, italenta indala yelisasi i gingangwa igulu); na uyu a veye mukali wikalanga hagati ha efa. 8Naye a vola, Uyu a veye Ubudamano: na ya mu sigisa hasi hagati ha efa; na ya sigisa ubuliduhu bwelisasi ku munwa gwa efa. 9Ma nda ginga tsimoni tsyange, ni ndola, henza, avakali vaviri va twula, nembuudza ya li mu tsimbaha tsyavo; navo va li ne tsimbaha kuli tsimbaha tsyeligungu, na va ginga efa igulu hagati helirova neligulu. 10Hene yaho nda volera ingelosi wa volerana ninze, Yavo va tsitsa haliha na efa? 11Naye ya mbolera, Va tsitsanga ku mwombakira inyumba mu kivala kya Shinaru: na lwa i mali kulombwa a la menya yo ha bugono bwibwe mwene.
Currently Selected:
Zekaria 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
