Zekaria 6
6
1Na kandi nda ginga tsimoni tsyange, nokulola, na henza, magari gobulwani gane gadzanga kutwula hagati hevigulu viviri; na vigulu zana vya li vyomugasa. 2Ku ligari lyokutanga tsya li ku tsiparasi tsinzakanyu; noku ligari lya kaviri tsya li ku tsiparasi tsimwamu; 3noku ligari lya kavaka tsya li ku tsiparasi tsindavu; noku ligari lya kane tsya li ku tsiparasi tsisembe tsyetsingulu. 4Ma nda tivula ni mbolera ingelosi wa volerana ninze, Yaga ga veye kindu ki, munene wange? 5Ingelosi ya tivula nokumbolera, Yitsi tsi veye tsimbuudza tsine tsyomigulu, tsi twulanga mu lisingira imbiri wa Yahova, Mwami welirova lyosi. 6Na ligari li veye netsiparasi tsimwamu li tsia ku luvega lwekivala kya kasikasini; na lya li netsiparasi tsindavu li londerera inyima watsyo; na lyetsisembe lya tsia ku luvega lwekivala kya kusini. 7Na tsinzakanyu tsya twula kutsia, ni tsyenya kutsia tsi duke kugenda yiyi na yiyi mu lirova lyosi: naye ya tsi volera, Mu twule, mu tsie yiyi na yiyi mu lirova. Ma tsya tsia yiyi na yiyi mu lirova. 8Ma ya nyanira, nokuvolera inze, na a vola, Henza, tsi tsiye ku luvega lwekivala kya kasikasini tsi neminye mwoyo mu kivala kya kasikasini.
9Kandi likuva lya Yahova lya duka ku inze, kuvola, 10Vugula ku yavo avadikidzwa, livola li veye ava Helidai, na ava Tobija, na ava Jedaia; na udze lidiku zana, nokwingira mu inyumba ya Josia mwana wa Zefania, ha va duka kutwula Babuloni; 11yee, vugula kuvo ifetha na ithahabu, na u lombe igudwa, u gi vike ku mutwe gwa Joshua mwana wa Jehozadaku, musalisi munene; 12mu voierane, na u vole, Yahova wa mahe a ku voleranga makuva yaga, na a vola, Henza, umundu u langwa lieta lilye Kisibu: a la sibuka ho bugono bwibwe; na a lombaka litempeli lya Yahova; 13yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi. 14Na tsitaji tsi la va ku Helem, noku Tobija, noku Jedaia, noku Hen mwana wa Zefania, kuva kwidzulitsa mu litempeli lya Yahova. 15Na yavo va veye ihali va ladza nokwombaka mu litempeli lya Yahova; na mu la manya ni Yahova wa mahe wa ntuma ku mwinye. Na yaga ga la kolwa ni mu va ni mu hulira ligali mwoyo gwa Yahova Nyasaye wenyu.
Currently Selected:
Zekaria 6: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
