Zekaria 3
3
1Naye ya mmannya Joshua musalisi munene a singiranga imbiri wa ingelosi wa Yahova, na Setani ya singira ha mukono mulungi gwigwe kuva muhangalidzi wewe. 2Na Yahova ya volera Setani, Yahova a ku gondokire, O Setani; yee, Yahova u tovoye Yerusalerni a gondokire ive: yiyi si i veye isese yaakanga ya twulidzwa ku muliru? 3Ma Joshua ya li ni yevika tsingubo tsindamano, na a singira imbiri wa ingelosi. 4Naye ya tivula na a volera ava li ni va singiye imbiri wewe, na a vola, Mu navule tsingubo tsindamano tsi veye kuye. Naye ya mu volera, Henza, ubudamano bubwo mmali kubutwulidza ku ive, na nda ku vika tsingubo tsyobuguli budinyu. 5Na nda vola, Va mu vike igudwa indahi ku mutwe gwigwe. Ma va vika igudwa indahi ku mutwe gwigwe, nokumuvika tsingubo; na ingelosi wa Yahova ya singira ahimbi naye.
6Kandi ingelosi wa Yahova ya lolekidzira Joshua, na a vola, 7Yahova wa mahe a vola ndi: Nu u va nu u genda mu tsinzira tsyange, nokulinda ubulindi bwange, hene yaho u la kalagira inyumba yange, nokulinda migidzi gyange, na nda ha ive ubwiyangu bwokwingira hagati ha yavo avasingiranga ahimbi. 8Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu. 9Kigira, henza, ligina lya mbika imbiri wa Joshua; ku ligina lilala tsi veye ku tsimoni tsitano na tsiviri; henza, nda ng'ola bung'oli bwalyo, Yahova wa mahe a vola, na nda twulidza ubudamano bwekivala yikyo ku lidiku lilala. 10Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.
Currently Selected:
Zekaria 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
