Zekaria 2
2
1Kandi nda ginga tsimoni tsyange, ni ndola, na henza, mundu mulala wa li nomugoye gwokugera mmukono gwigwe. 2Hene yaho nda mu teva, U tsitsa haliha? Naye ya ntivulira na a vola, Ntsitsa kugera Yerusalemi, ndole ubugalamu bwalyo kuli bu veye, nobutambi bwalyo kuli bu veye. 3Kandi, henza, ingelosi wa volerana ninze ya twula, na ingelosi wundi ya tsia kuvugana naye, 4na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo. 5Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.
6He, he, mwiruke kutwule mu kivala kya kasikasini, Yahova a vola; kigira nda salannya mwinye kuli tsimbuudza tsine tsyomigulu, Yahova a vola. 7Ive Zioni, wehonye, ive u menyanga halala na mukana wa Ba buloni. 8Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye. 9Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma. 10Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola. 11Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive. 12Na Yahova a la nyola Yuda kuva miyandu gyigye, kidieli kikye mu kivala kitakatifu, kandi a la tovola Yerusalemi. 13Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.
Currently Selected:
Zekaria 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
