Zekaria 14
14
1Henza, lidiku lya Yahova lidzanga, lwa vilanye vivyo vi li gavulwa hagati hoho. 2Kigira nda vungidza tsihiri tsyosi ku Yerusalemi kulwana; na lidala li la vugulwa na tsinyumba tsyalyo tsi la fuulwa na vakali va lononnywa; na lidala ku luvega lulala li la tsia mbutugwa, na avandu va tigala si va la twulidzwa mu lidala mba. 3Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani. 4Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini. 5Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive. 6Na ga la duka mu lidiku yilyo, ubulavu si bu la va nobwaaku kinga nekisundi: 7navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho. 8Na ga la duka ku lidiku yilyo, amadzi ga veye mwoyo ga la twula mu Yerusalemi; luvega lulala kugo ga la tsia ku luvega lwenyanza yevugwe, na luvega lwago lundi ga la tsia ku luvega lwenyanza ye madioli: ga la va ndiyo inyinga yoluya noku inyinga yobukindu.
9Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala. 10Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami. 11Avandu va la menya mu, si ha la va nelilaama kandi mba; navutswa Yerusalemi li la menya nemirembe.
12Kandi ipelegi ya Yahova a la duyira avandu vosi avalwana na Yerusalemi, ni yiyi: tsinyama tsyemibiri gyavo tsi la nyanyika ni va singiye nevirenge vyavo, tsimoni tsyavo tsi la nyanyika mu mitwe gyavo, na tsinimi tsyavo tsi la nyanyika mu minwa gyavo. 13Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye. 14Na Buyuda i la lwana ha Yerusalemi; na butugi bwetsihiri tsyosi tsyetsimbega tsyosi bu la vungidzwa halala, ithahabu na ifetha, na tsingubo, vinyingi ligali. 15Ni ndiyo ipelegi yeparasi i la va, na yenyumbu, na yeng'amia, na yesukiri, na yetsinyama tsyosi tsi li va ho mu hokusosa, kuli ipelegi yiyi.
16Kandi ga la duka, sa mulala u tigala wetsihiri tsyosi tsya duka kulwana ne Yerusalemi a lanegira muhiga nomuhiga kusigamira Mwami, Y ahova wa mahe, nokulomba lilia lyamadiri. 17Kandi ga la duka ku vosi ku bwiko bwosi ubu veye mu lirova u vula kwanegira Yerusalemi kusigamira Mwami uyu, Yahova wa mahe, imbula si i la kupa kuvo mba. 18Na bwiko bwa Egepeti ni va vula kwanegira, kinga ni va vula kudza, imbula si i la kupa kuvo mba; ipelegi i la va ho, ya Yahova a duyira tsihiri tsi vula kwanegira kutsia kulomba lilia lyamadiri. 19Yili ni likalaga li la va ku Egepeti, na likalaga li la va ku tsihiri tsyosi tsi li vula kwanegira kutsia kulomba lilia lyamadiri. 20Mu lidiku yilyo ku vikuli vi veye ku tsiparasi vi la ng'odwa ku makuva yaga BUTAKATIFU Ku YAHOVA; na viju vi veye mu inyumba ya Yahova vi la va kuli tsindavo tsi veye ha mbiri hobwali. 21Yee, ku viju vyosi mu Yerusalemi, nomu Buyuda vi la va vitakatifu ku Yahova wa mahe; na vosi ava haananga vihaanwa va ladza kuvivugula, nokudekera mu tsinyama: kandi mu lidiku yilyo si a la va ho Mukanani mu inyumba ya Yahova wa mahe.
Currently Selected:
Zekaria 14: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
