Zekaria 13
13
1Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku. 2Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala. 3Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta. 4Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada: 5navutswa a la vola, Si mbeye muprofeti mba, mbeye mulimi wa marova; kigira nda kolwa mutugwa kutwula bwana buke. 6Na mulala a la mu teva, Tsimbala tsya u veye natsyo mu makono gogo yitsi ni tsya ki? Hene yaho a la tivula na a la uola, Yitsi ni tsimbala tsya nda vikwa mu inyumba ya avalina vange.
7U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke. 8Na ga la duka, mu kivala yikyo kyosi, vidieli viviri vi la twulidzwa na va la kudza; Yahova a vola, navutswa kidieli kya kavaka ki la tigala mu. 9Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.
Currently Selected:
Zekaria 13: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
