Varumi 10
10
1Avamitu, livanza lyomwoyo gwange, nelisaala lyange ku Nyasaye kigira yavo, li veye va honnywe. 2Kigira mba lolekidzira va veye nobugulu bwa Nyasaye, navutswa si bwa li mu limanya. 3Kigira, lwa va vula kumanya ubulungi bwa Nyasaye, kandi lwa venya kusingeridza bwavo avene, si vege hidza ku bulungi bwa Nyasaye. 4Kigira Kristo a veye limaliridza lyelilaga ku vosi ava suuvira. 5Kigira Musa a ng'oda, mundu u kola bulungi bwelilaga a la va mwoyo kubwo. 6Navutswa ubulungi bwelisuuvira bu vola ndi, U ta vola mu mwoyo gugwo, Ibwaha u lyanegira mwigulu? (Nago nokuleta Kristo hasi) 7naho, Ibwaha u liika mu bogo? (Nago nokutwulidza Kristo mu vakudzu). 8Navutswa ga vola ki? Likuva yili li veye himbi nive, mu munwa gugwo, kandi mu mwoyo gugwo, nalyo li veye likuva lyelisuuvira lyokwilwadza: 9kigira nu u va nu weyama nomunwa Yesu a veye Mwami, nokusuuvira mu mwoyo gugwo Nyasaye ya mu twulidza mu vakudzu u la honnywa. 10Kigira mundu a suuvira nomwoyo a duke ku bulungi; ni yeyama nomunwa a duke ku buhonnyi. 11Kigira ma ng'oda ga vola, Ku vosi u mu suuvira si a li va soni. 12Kigira si ha veye nelyavukana mu Vayuda na Vegreki: kigira uyu Mwami mulala a veye Mwami wa vosi, kandi a veye mutugi ku vosi ava mwanira: 13kigira, Ku vosi u lyanira ku lieta lyo Mwami a la honnywa. 14Kunangwa va lanira ndi ku uyu wa va vula kusuuvira? Nandi va la suuvira ndi ku uyu wa va vula kuhulira? Kandi va la hulira ndi bugira mwilwadzi? 15Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.
16Navutswa si va li vosi ava bugirira ivangeli. Kigira Isaya a vola, Mwami, ibwaha u suuvira livola lyetu? 17Kunangwa na ndiyo lisuuvira li dukira ku lihulira, nelihulira li dukira ku likuva lya Kristo. 18Navutswa nteva, Si va hulira? Yee, ligali,
Lwanga lwavo lwa twula nokuduka mu lirova lyosi,
Kandi amakuva gavo ga duka ku tsindulu tsyelirova.
19Navutswa nteva, Avaisraeli si va manya? Kutanga Musa a vola,
Nda mu kendekidzira ava ta li ihiri,
Kandi nda mu vihiriridzira ihiri i ta li nelimanya.
20Kandi Isaya a luvirira ligali, na a vola,
Nda loleka ku randu va ta nyenya;
Nda lang'ama ku yava ava ta nteva.
21Navutswa ku Vaisraeli a vola, Mbasu pei nda nyira makono gange ku vandu va vula kuhulira navahangali.
Currently Selected:
Varumi 10: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
