Tsing'ano 9
9
1Ubugeeri yombaki inyumba
U vadzi tsitiru tsitsye tsitano na tsiviri:
2Wiiti tsinyama tsitsye; u tsuka nnyi iwaini yeye;
U lombi imeza yeye:
3U tumi avakana avatugwa veve
U kupanga lwanga hadiguluku hanene helidala:
4Ku vosi uyu u veye musiru, a girunkane nokwingira hano;
Na uyu u geheye limanya, a muvolera,
5Hambi, mu lie vyokulia vyange,
Na mu nwe iwaini yiyi ya ntsukannyi.
6Mu leke ubusiru, na mu ve mwoyo;
Na mu gende mu inzira yelima nya.
7Uyu wegidzanga wekihenyahenye, yenyolira mwene linyegwa;
Na uyu u gondokira mudamano yenyolera mwene imbala.
8U ta gondokira wekihenyahenye gase a la ku dunyira:
U gondokire wobugeeri, naye a la ku yanza.
9Wegidze wobugeeri, naye a la meda ubugeeri:
Wegidze mulungi, naye a la meda lyega.
10Litia Yahova li veye litanga lyobugeeri;
Na limanya lya Mutakatifu li veye lihuliridza.
11Kigira ku inze, madiku gogo ga la medeka,
Na mihiga gyelimenya lilyo gyi la medeka.
12Nu u va nu veye nobugeeri, u veye nobugeeri bubwo mwene;
Nu u va nu u lega, ive mwene u la ginga lilega zana.
13Mukali musiru a veye weliyoga;
A veye musiru, na si a manya kindu.
14Yikalanga ha kiliango kyenyumba yeye,
Ku intebe hadiguluku helidala,
15A duke kulanga ava vitanga,
Ava gendanga bulungi ku tsinzira tsyavo.
16Ku vosi u veye musiru a girunkane, yingire hano;
Na ku uyu u ta li nelimanya, a mu volera,
17Amadzi agokwibwa, ga veye manolu,
Na vyokulia vya makiriri vi yanzidzanga.
18Navutswa uyu si a manya avakudzu va veye ho;
Na avageni veve va veye mu luliva lwa Kihadisi
©Bible Society of Kenya, 1967