Tsing'ano 5
5
1Mwana wange, u hulire ubugeeri bwange;
U tegidze ugutu gugwo ku limanya lyange:
2U duke kulinde ubugeeri,
Na minwa gyigyo gyi linde li manya.
3Kigira minwa gyomukali mugeni gyi tonyatonya ubwuki,
Munwa gwigwe gu veye mudoto kuvita maguta:
4Navutswa ku kiheri a veye wobululu kuli liduha,
Mwogi kuli kivavi kyetsimbega tsyombi.
5Virenge vivye vi sulungutanga mu likudza;
Na ligenda lilye li hambana na Kihadisi;
6Kuduka a vule kulola inzira inungi yelivamwoyo:
Tsinzira tssitsye tsi voyavoya, na mwene Si a manya.
7Kunangwa kalunu, avana range, mu mbulire,
Na mu ta leka makuva gomunwa gwange mba.
8U twulidze inzira yoyo i ve ihale ku mukali uyu,
Kandi u ta vita himbi muliango gwenyumba yeye;
9Gase u la ha avandi ubukumi bubwo,
Na mihiga gyigyo u la ha ave kirage
10Gase avageni va lizula tsingulu tsitsyo,
Na miyinzi gyigyo gyi la va mu inyumba yomugeni,
11Na u kenye mu madiku gekiheri kikyo,
Lwa inyama yoyo nomubiri gugwo gu dividzwa
12Na u la vola, Nda dunyira ndi lyegidzwa,
Na mwoyo gwange gwa lega ligondokirwa;
13Kandi si nda hulira mwoyo gwa avegidzi vange,
Kandi si nda tegidza ugutu gwa nge ku yavo ava nyimirira
14Ha gehi hakekeke inze kuva mu budamano bwosi
Hagati helivugana na mu livungidzana.
15U nwe amadzi mu isiongo yoyo mwene,
Na amadzi ga senukanga mu kidaho kikyo.
16Visenukiru vivyo vya amadzi vi sunduke ihale
Na migera gyi sunduke mu mahasi?
17Gyi ve ku ive mwene weng'ine,
Gyi ta va ku avageni halala na ive.
18Kisenukiru kikyo ki gasidzwe;
Na u sangale halala nomukali wobusoleri bubwo.
19Kuli imboongo yobuyanzi na ingya indahi,
Na tsimbeere tsitsye tsi ku duhire tsinyinga tsyosi;
Na ubuyanzi bwibwe bu ve lisangala lilyo madiku gosi.
20Kigira ki, mwana wange, u gota inzira halala nomukali mugeni,
Nokukumberera kiritu kyornugeni?
21Kigira tsinzira tsyomundu tsi veye imbiri wetsimoni tsya Yahova;
Naye a lungikidza tsinzira tsitsye tsyosi.
22Mudamano a la hambwa nobu damano bwibwe mwene,
Na a la bofwa nemigoye gyobwoni bwibwe.
23A la kudza kigira ligehera lyamegidzo;
Na a la diva mu bunene bwobusiru bwibwe.
©Bible Society of Kenya, 1967