Tsing'ano 26
26
1Kuli likonza inyinga yekimeyo, na kuli imbula inyinga yeli gesa,
Ni ndiyo lidzominywa si li dukira musiru.
2Kuli litonderidzi mu ligenda, na kuli iminyi mu libuluka lyayo,
Ni ndiyo lilaama li ta veye nekivune, na li ta veye na ha li duka.
3Lusala ku iparasi, na lijamu ku isukiri,
Na impimbo ku mugongo gwavasiru.
4U ta tivulira musiru kuli ubusiru bwibwe
Gase ive kandi ive u la va kuli uyu.
5U tivulire musiru kuli ubusiru bwibwe,
Gase u leganagana mwene kuva wobugeeri.
6Uyu u tumiranga makuva mu mukono gwomusiru
Wekalaga virenge vivye, na a nwedzanga ligota.
7Virenge vya yavo ava henyeranga vi sung'anana:
Ni ndiyo lugano lu veye mmunwa gwavasiru.
8Kuli uyu u bohanga ligina mu lukova,
Ni ndiyo uyu a veye widzominya nga musiru.
9Kuli lifwa lingiranga mu mukono gwomuhambiki,
Ni ndiyo lugano lu veye mu munwa gwavasiru.
10Musidza a lombanga vindu vyosi,
Navutswa uyu u lagana nomusiru a veye kuli a lagana navavitanga.
11Kuli imbwa yirana ku maluki gayo,
Ni ndiyo a veye musiru u kolanga ubusiru bwibwe hali kaviri.
12U lola mundu weganagana mwene a veye mugeeri?
Ha veye nelisuuvira mu makuva gomusiru kuvita uyu.
13Mugata a vola, king'ang'a ki veye ku inzira;
King'ang'a ki veye ku lihasi.
14Kuli muliango gu vodonkana ku tsimbada,
Ni ndiyo mugata a hunzukananga ku kitale kikye.
15Mugata a vika mukono gwigue mu isahani;
Naye a luhanga kuguhila kandi ku munwa gwigwe.
16Mugata mu tsiganagani tsitsye a veye nobugeeri
Ku vita avandu vatano na vaviri ava nyala kutivula nobugeeri.
17Uyu u vitanga nokwingira mu lihing'ana li ta veye lilye,
A veye kuli mundu u gumiranga imbwa ku amatu gayo.
18Kuli mulalu a sikisanga viyayi vyomuliru,
Mibano, na likudza;
19Ni ndiyo uyu a gadanga mutende wewe,
Na a vola, Nkupanga tsimbaka vutswa, si ga veye ndiyo?
20Kigira budaka bwetsinku muliru gu simanga;
Kandi ha mugemehidzi a ta veye, lihing'ana li heranga.
21Kuli amanda ku amanda gaakanga, na tsinku ku muliru,
Ni ndiyo a veye uyu u elihing'ana kuvukidza lihing'ana.
22Makuva gomugemehidzi ga veye kuli vyokulia vinolu
Kandi gingiranga musi muomundu ligali.
23Minwa gyaakanga na mwoyo mudamano
Gyi veye kuli kiju kyobudohi kyakunikwa ku namanda geietha.
24Uyu u dunyanga a vehanga neminwa gylgye;
Navutswa yevikira akiba yobugadi muye muene:
25Lwa a vola makuva malahi, u ta mu suuvira mba;
Kigira a veye na gokuvihiriridza gatano na gaviri mmwoyo gwigwe:
26Kali lidunya lilye lyekunika nobugadi
Ubudamano bwibwe bu la lang'aminywa imbiri wekiduma.
27Ku vosi u yavanga bogo, mwene a la gwa mu; Na uyu u gomagominyanga ligina, li lirana kuye.
28Lulimi lwobubehi lu dunyira ava lu dividza;
Na munwa gu vola lidzominya lya vutswa gu letanga ubudivi.
©Bible Society of Kenya, 1967