Tsing'ano 25
25
1Yitsi ni tsing'ano tsya Solo moni, tsya avandu va
Hezekia mwami wa Vayuda, va vugula kutsing'oda.
2Ubukumi bwa Nyasaye bu veye kuvisa kindu
Navutswa ubukumi bwavami bu veye kwidera inkuva.
3Kuli ligulu li veye mbwerefu, na lirova li veye mu luliva,
Ni ndiyo mwoyo gwavami gu ta nyala kwiderwa.
4U twulidze amandu ku if etha,
Na ki la loleka kiju ku uyu museredze:
5U twulidze avadamano imbiri womwami
Na intebe yeye yobwami i la dinyeridzwa mu bulungi.
6U tenenehidza imbiri womwami,
Kandi u ta singira ku lugano lwavandu vanene:
7Kigira livolerwa, Hamba ino imbiri, bu veye bulahi ku ive,
Kuvita ligehidzwa imbiri womunene,
Wetsimoni tsitsyo tsi mali kulola.
8U ta tsia bwangu kuhing'ana nomundu,
Gase u la vula kumanya, kya u li kola inyima,
Lwa mutende wowo a ku legannyi.
9U volerane nomutende wowo mwene, makuva gogo,
Kandi u ta vuula inkuva ya viswa yomundu wundi;
10Gase u hulira ive, a la ku nyega,
Na makuva gogo madamano ga vule kutwula ku ive.
11Likuva li volangwa ku inyinga yalyo
Li veye kuli makuyu gethahabu mu vihinda vyefetha.
12Kuli imingiri yomugutu yethahabu, na
kiju kyethahabu indahi, Na ndiyo mwegidzi wobugeeri ku ugutu gu huliranga.
13Kuli ubukindu bwelikonza mu inyinga yeligesa,
Na ndiyo mutumwa musuuvirifu a veye ku yavo ava mu tumanga;
Kigira a leminya mwoyo gwavanene veve.
14Kuli malesi gembuudza ga ta veye nembula,
Na ndiyo uyu wiidzominya mbubehi ku vihaanwa vivye.
15Ku lyekudzira mwamehi a girunkanyanngwa,
Na ululimi ludoto lu vunannya kigumba.
16U loli ubwuki? Ulie ubu ku duka,
Gase u liguta, na u la luka.
17Kirenge kikyo ki ta va mu inyumba yomutende wowo hali kanyingi,
Gase u la mu luhidza, naye a la ku dunyira.
18Mundu u lolekidza agobubehi ku mutende wewe
A veye inyundu yomusala, na kivavi, na mbano mwogi.
19Kusuuvira mundu u ta li musuu virifu inyinga yekivi
Ga veye kuli lino lyavunika, na kirenge kyateguka.
20Kuli uyu u navula ingubo inyinga yobukindu, na kuli isiki i vikeywi ku magadi,
A veye ndiyo uyu yimbiranga womwoyo muliduhu tsinyimbu.
21Musigu wowo na a veye nenzala, u mu he ubukima a lie
Kandi na a veye nobuluhu, u mu he amadzi a nwe:
22Kigira u la vungidza amanda gomuliru ku mutwe gwigwe,
Na Yahova a la ku ha madanyi.
23Imbuudza ya kasikasini i letanga imbula:
Ni ndiyo ululimi lwelihuudziridza li letanga mmoni mwobutima.
24Nobulahi kumenya ku kisegese,
Kuvita kumenya mu inyumba ingalamu halala nomukali weli hing'ana.
25Kuli amadzi makindu ku uyu u veye nobuluhu,
Na ndiyo amakuva malahi aga twulanga mu kivala kyehale.
26Kuli kisenukiru kyamadzi ga duvuka, na kuli mugera gwononywa,
Ni ndiyo wobulungi a gwidzanga imbiri wavadamano.
27Si bu li bulahi kulia ubwuki bunyingi:
Ni ndiyo ku arandu venyanga ubukumi bwavo avene bu veye ubudamano.
28Uyu womwoyo gwigwe gu ta veye neligaywa
A veye kuli lidala li tsomwa hasi, na si li veye nelidigi.
©Bible Society of Kenya, 1967