Tsing'ano 22
22
1Nobulahi kutovola lieta lilahi kuvita ubutugi bunyingi,
Nokunyola tsimbabasi nobulahi kuvita ifetha na ithahabu.
2Avatugi na avadaka va vugana halala:
Yahova a veye mulombi wavo
3Mundu weliva lyobugeeri a lolanga ubudamano, na yivisa;
Navutswa ava ta li nelimanya va vitanga, na va salira mubwo.
4Madanyi gelyegehidza nokutia Yahova
Ga veye ubutugi, na lidzominywa, na livamwoyo.
5Amafwa na mitego gyi veye ku inzira yavakyamu:
Uyu welinda mwoyo gwigwe a la va ihale kuvo.
6Wegidze umwana ku inzira i mu dukira kugenda ku,
Naye lwa a li va musakulu a la vula kugileka.
7Avatugi vameha ku avadaka;
Na uyu u hambanga kivete a veye mutugwa womuhambidzi.
8Uyu u midza ubugutsa bwobudamano a la gesa ligesa lyobudivi;
Na impimbo yobutima bwibwe i la hera.
9Uyu u veye nemoni yobuhaani a la gasidzwa;
Kigira a haaniranga avadaka ubukima bwibwe
10U kunge wekihenyahenye, na lihing'ana li la twula;
Yee, lihing'ana na tsisoni vi la hera.
11Uyu u yanzanga ubunifu bwomwoyo
Mwami a la va mulina wewe kigira tsimbabasi tsyeminwa gyigye.
12Tsimoni tsya Yahova tsi lindanga welimanya;
Navutswa a tung'aminyanga makuva gomundu wobugadi.
13Mugata a vola, King'ang'a ki veye kyova:
Inze ndiitirwa mu lihasi.
14Munwa gwavakali avageni gu veye ubogo bwoluliva:
Uyu wa Yahova a dunyiranga a la gwa mu.
15Ubusiru bu boheywi mu mwoyo gwomwana;
Navutsua impimbo yokumwegidza i la bu twulidza kuye.
16Uyu u dambidza avadaka kumeda vyambeti vivye
Na uyu u hedzanga avatugi vindu, vombi halala va la daka.
17U tegidze ugutu, u hulire amakuva gavageeri,
Na u vike mwoyo gugwo ku limanya lyange.
18Kigira ki veye kindu kilahi nu u va nu u ga vika mmwoyo gugwo
Ni ga va ni sa dinyiridzwa halala mu minwa gyigyo.
19Lisuuviridza lilyo li ve mu Yahova,
Inze nku mannyi lero vindu yivi, yee, ku ive.
20Si nda ku ng'odera vindu vilahi
Vya makuva na vyelimanya
21Kukumannya ubulungi bwamakuva gageligali
U hilire avakutuma makuva gageligali?
22U ta nuula mudaka, kigira a veye mudaka;
Kandi u ta dambidza ava veye mu kivi ha kiribwa:
23Kigira Yahova a la vanza likuva lyavo,
Nokulanya livamwoyo lya yavo ava va lanya.
24U ta kola ubulina nomundu umwangu ku ubutima;
Na u ta genda halala nomundu u vihiririangwa bwangu:
25Gase wega miima gyigye,
Na mwoyo gugwo gu la hambwa mu mutego.
26U ta va mulala kuvo ava hambannyanga makono,
Kinga ku yavo ava veye vihambiriru vyamagovi.
27Nu u va nu u ta veye nevyaduka kutunga,
Kigira ki a la ku nyaga kitali kikyo isi wowo?
28U ta twulidza kiloleru kyolwako lwa kale,
Kya avaguga vovo va vika.
29U lola mundu wobugulu mu miyinzi gyigye? A la singira imbiri wavami;
Si a la singira imbiri wa avandu ava ta manyekana.
©Bible Society of Kenya, 1967