Tsing'ano 19
19
1Mudaka u gendanga mu bulungi bwibwe a veye mulahi
Kuvita weminwa gyigye gyi veye mikyamu naye a veye mu siru.
2Kandi, si bu li bulahi mwoyo gu vule kuva nelimanya;
Na uyu u gendanga tsimbiru nevi renge vivye a kolanga ubwoni.
3Ubusiru bwomundu bu kyaminyanga inzira yeye; Na
umwoyo gwigwe gu vihirirangwa Yahova.
4Ubutugi bu letanga avalina avanyingi;
Navutswa mulina womudaka a twula kuye.
5Umuloli u volanga ububehi si a la vula kukalagirwa mba;
Na uyu u volanga ububehi si a la hona mba.
6Avanyingi va la sava tsimbabasi ku uyu muhaani
Na sa mulala u veye mulina wa uyu u haananga vihaanwa.
7Avamwavo vosi vomudaka va mu dunyira:
Nasindi avalina veve va la kira kutwula kuye. A va londanga namakuva, navutswa va mali kutsia.
8Uyu u nyola ubugeeri yeyanza mwoyo gwigwe:
Na uyu u gumiranga limanya, a la nyola ubulahi.
9Umuloli mubehi si a la vula kukalagirwa;
Na uyu u volanga ububehi a la diva.
10Limenya lyobwelemeridzi si li veye ku musiru;
Kuvita si ga dukanga mutugwa kwameha ku avana vobwami.
11Liganagana bulahi lyomundu li mu kola kuva mwekudziri ku butima;
Na bu veye ubukumi bwibwe kusunda mahyolo.
12Ubutima bwomwami bu veye kuli lifwuma lyeking'ang'a;
Navutswa tsimbabasi tsitsye tsi veye kuli lime ku ubulimu
13Mwana musiru a veye ubudivi ku dada wewe;
Na lihing'ana lyomukali li veye kuli litonyatonya lya kazozo.
14Inyumba na ubutugi nigyo miyandu gyi twula ku vadada;
Navutswa mukali weliva lyobugeeri a twula ku Yahova.
15Ubugata bu vikanga mundu mu tsindolo tsinene; Na mwoyo gwobugata gu la saliridzwa nenzala.
16Uyu u gumira lilaga a lindanga mwoyo gwigwe mwene;
Navutsua uyu u gadahala ku tsinzira tsitsye a la kudza.
17Uyu u verereranga avadaka a hambidza Yahova kivete,
Na likola lilye lilahi a la mu tunga kandi.
18U he mwana wowo amageli, kigira lisuuviridza li veye ho;
Na u ta vika mwoyo gugwo ku lyoneka lilye.
19Mundu wobutima bunene a la ginga kivi kikye;
Kigira nu u va nu u mu honnya ga la ku dukira kukola hali kaviri.
20U hulire livola, na u bugirire lyegidzwa
U duke kuva wobugeeri mu kiheri kikyo.
21Liganagana linyingi li veye ho mu mwoyo gwomundu;
Navutswa livola lya Yahova, yili li la singira.
22Kya kola mundu kuyanzwa ki veye tsimbabasi tsitsye;
Na mudaka a veye mulahi kuvita mubehi.
23Litia Yahova li henzanga ku livamwoyo;
Na uyu u veye nalyo a la va nekilema mwoyo Ubudamano si bu la duka kuye mba.
24Mugata a vikanga mukono gwigwe mu isahani,
Naye si yenya kuguhila ku munwa gwigwe kandi.
25U kuye wekihenyahenye, ava ta li nelimanya va leyegidza liva lyo bugeeri;
Na u gaye uyu u veye nelihuliridza, na a la hulira limanya.
26Uyu u kolera dada wewe kivi, nokukunga mama wewe,
A veye mwana u letanga tsisoni nelinyegwa.
27Mwana wange, u sule kuhulira amegidzo
Agononyannga makuva gelimanya.
28Muloli u ta konya kindu a kolera likalaga kihenyahenye;
Na munwa gwomudamano gu miranga ubudamano.
29Likalaga li lomberwa avekihenyahenye,
Na maduya ga lomberwa mgongo gwavasiru
©Bible Society of Kenya, 1967