Tsing'ano 13
13
1Mwana wobugeeri a hulira megidzo ga dada wewe;
Navutswa wekihenyahenye si a hulira mageli.
2Mundu a la lia bulahi kigira makuyu gomunwa gwigwe;
Navutswa mwoyo gwavetsimbemba gu la lia kirage.
3Uyu u lindanga munwa gwigwe a lindanga livamwoyo lilye;
Narutswa uyu u kunulanga minwa gyigye a la nyola lidiva.
4Mwoyo gwomugata gu kayirangwa, na si gu veye nekindu;
Navutswa mwoyo gwomugulu gu la komeridzwa.
5Mundu mulungi a dunyiranga ububehi;
Navutswa mudamano a kolanga livihiriridza, na a duka mu tsisoni.
6Ubulungi bu lindanga mulungi ku inzira;
Navutswa ubudamano bu tung'aminya mwoni.
7A veye ho wekolanga mutugi, navutswa si a veye nekindu:
A veye ho wekolanga mudaka, navutswa a veye nobutugi bunyingi.
8Mutungu gwelivamwoyo lyomundu gu veye ubutugi bwibwe;
Navutswa mudaka si a hulira ligondoka.
9Ubulavu bwavalungi bu sangalanga;
Navutswa itaya yomwoni i la siminywa.
10Uluyai lu letanga ubuhing'ani bwere;
Navutswa ava vugulanga makuva malahi va veye nobugeeri.
11Ubutugi bwa nyoleka ne vya vutswa bu la gehidzwa;
Navutswa uyu u vungidzanga neliyinzira a la medeka.
12Lisuuviridza li lindagiranga li kolanga mwoyo kusalira
Navutswa lwa lyenya li duka li veye musala gwelivamwoyo.
13Ku vosi u leganga likuva a letanga ubwoneku ku
mwene; Navutswa uyu u tidzanga lilaga a la hebwa madanyi.
14Lilaga lyavobugeeri li veye kisenukiru kyelivamwoyo,
Mundu a duke kutwula ku mitego gyelikudza.
15Limanya lilahi li letanga tsimbabasi;
Navutswa inzira yomudamano i veye indinyu.
16Ku vosi weliganagana lilahi a yinziranga nelimanya;
Navutswa musiru a lang'aminyanga ubusiru bwil)we.
17Mutumwa mudamano a gwidzanga mu budamano;
Navutswa mutumwa musuuvirifu a veye ubulamu.
18Ubudaka na tsisoni vi la va kidieli kya uyu u sulanga lihebwa amageli;
Navutswa uyu u huliranga lyegidzwa a lidzominywa.
19Lyenya lya nyoleka, li veye linolu mu mwovo;
Navutswa kuleka ubudamano li veye livihiriridza ku vasiru.
20U gende halala na avandu vobu geeri na u la va mugeeri;
Navutswa welihambana na avasiru a la salira.
21Ubudamano bu londanga avoni;
Navutswa avalungi va la tungwa ubulahi.
22Mundu mulahi a lekera avisukulu veve miyandu;
Na ubutugi bwomwoni bu vikeywi avalungi.
23Ha veye nevyokulia vinyingi mu lilima lya vadaka;
Navutswa ha veye ho wononnyangwa ku livula kuva nobulu ngi.
24Uyu u gehidza amageli gege a dunyira mwana wewe;
Navutswa uyu u mu yanzanga a mu hedzanga amageli inyinga i dukani.
25Mulungi a litsanga kuduka ku ligutidza mwoyo gwigwe;
Navutswa inda yomudamano i la daka vyokulia.
©Bible Society of Kenya, 1967