Nahum 1
1
1Yili ni likuva liliduhu lya Nineve. Kitabu kyamalola ga Nahum Muelikoshi.
2Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima. 3Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye. 4A gondokiranga inyanza, na a gi kaminyanga, kandi a kaminyanga migera gyosi: Bashan va nialanga, na Karimeli; nekimuli kya Lebanon ki nialanga. 5Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo. 6Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu. 7Yahova a veye mulahi, a veye impinga ku lidiku lyekivi; a manya yava ava suuvira kuye. 8Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.
9Mwinye mu saavira ki ku Yahova? A la heridza ligali; kivi si ki la vuka hali kaviri mba. 10Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu. 11Mulala u twuli hagati hoho, u saaviye ubudamano ku Yahova, a volanga makuva gobudamano. 12Yahova a vola: Kali ni va veye netsingulu tsindukanu, kali ni va veye avanyingi, va la kalagwa ndiyo, na a la gota. Kali nku dambidzi, si nda ku dambidza kandi mba. 13Na kalunu nda vunannya inira yeye i twule ku ive, na nda kalannya vibohero vivyo.
14Na Yahova u lagi ku ive, ha ta simikwa kandi kali mulala welieta lilyo: nda twulidza kifwananyi kyokuvadzwa nekifwananyi kyokwelongwa vi twule mu inyumba yavanyasaye vovo; nda ku yavira kilindwa kikyo, kigira ive u legangwa ligali.
15Henza, ku vigulu virenge vya uyu u letanga makuva malahi vi veye ho, uyu u landidzanga makuva gemirembe O Yuda, u linde madiku ga malia, u kole malagano gogo; kigira mudamano si a la vita hagati hoho kandi mba; a twulidzwa ligali.
Currently Selected:
Nahum 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
