Mika 7
7
1O bayaye ku inze kigira mbeye kuli lwa va mali kwagula makuyu genyinga yoluya, kuli mazabibu ga dolangwa mu inyima yelyagula: nekiganda si ki nyoleka kulia; nomwoyo gwange gwenyanga makuyu gokutanga kwenga. 2U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo. 3Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi. 4Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo. 5Mu ta suuvira avalina; mu ta suuvira mwimiriri; u linde minwa gyomunwa gugwo mukali u gonanga mu kiritu kikyo a vule kumanya. 6Kigira mwana a legannyanga dada wewe, nomukana a singiranga kuhing'ana na mama wewe, nomwiha a hing'ananga na navizala wewe; avasigu vomundu va veye yavo avenyumba yeye mwene.
7Navutswa mu makuva gange, nda henza Yahova; nda lindirira Nyasaye wobuhonhyi bwange: Nyasaye wange a la mbulira. 8U tidzominyira ku inze, O musigu wange: lwa ngwa, nda vuka kandi lwa nzikala mkisundi, Yahova a la va bulavu ku inze. 9Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe. 10Hene yaho musigu wange a la lola inkuva yiyi, na a la kunikwa tsisoni uyu wa mbolera, Yahova Nyasaye wowo a veye haliha? Tsimoni tsyange tsi la mu lola; kalunu a la duvagwa kuli ubudohi bwokuli hasi. 11Li veye lidiku lyokwombaka madigi gogo, mu lidiku lilyo lilaga li la hilwa ihale. 12Mu lidiku yilyo va ladza ku ive, kutwula Asuria namadala ga Egepeti, noku twula Egepeti kuduka ku Mugera, kandi kutwula ku inyanza yiyi kuduka ku inyanza yiyi, nokutwula ku kigulu yiki kuduka ku kigulu yiki. 13Halala na yaga kivala ki la va vutswa kigira yava ava menyanga mu kyo na kigira makuyu gelikola lyavo.
14U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale. 15Kuli ga li mu madiku gelitwula lilyo mu kivala kya Egepeti nda mu mannya vyokugenya. 16Vetsihiri va la lola, no kuva isoni ku bunyali bwavo bwosi; va la kunika minwa gyavo na makono gavo; amatu gavo ga la hana. 17Va la komba lugukyi kuli inzoka; kuli vimolanga vyelirova va la twula ha tsingo tsyavo ha lyevisa lyavo nelidegera, va la tsia ku Yahova Nyasaye wetu nokumutia, na va la lola ubutii kigira ive.
18Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi. 19A lirana nokukuvererera; a la duvagira ubudamano bwetu isi wevirenge; na u la syuva ubwoni bwavo bwosi mu luliva lweinyanza. 20Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.
Currently Selected:
Mika 7: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
