Nahum 2
2
1Uyu u donyannyanga vidonye wanegiye ku ive: gumira impinga, u linde inzira, kikenge kikyo u ki vike tsingulu, u dinyeridze tsingulu tsitsyo ligali. 2Kigira Yahova a letanga kandi ubunene bwa Yakobo, kuli ubunene bwa Israeli; kigira ava tsukanga va tsuki yavo, nokwononnya tsitsya tsyomuzabibu gwavo. 3Ingavo yavobunyali veve i koleywi inzakanyu, avaluviriri viviki tsingubo tsyetsinzakanyu: magari gobulwani ga ng'ering'ananga nekivya kidinyu mu lidiku lyelyetegeka lilye, na matimu ga sung'usangwa netsingulu tsyokutihidza. 4Magari gobulwani ga kupanga muliviti mu lihasi: ga levagala yiyi neyiyi mu mahasi magalamu: liloleka lyago li veye kuli tsimuli; ga nyagulanga kuli luheni. 5Uyu yidzulitsa avanene veve: vikigitala mu ligenda lyavo; va nyagula va tsia ku lidigi lilye, kyokukunika ki lombeywi kwetegeka. 6Neviribwa vyemigera viguywi, nenyumba yobwami i yenguleywi. 7Ga lagwa: a vimbulwa, a hilwa ihale; vakana vatugwa veve va syoma kuli myoyo gya makulu, nokukupanga viritu vyavo.
8Navutswa Nineve kutwula kale lya li kuli lidavalia: navutswa viruka. Mu singire, mu singire, va vola; navutswa si ha veye nomulala u henza inyima mba. 9Mu vugule vilanye vyeletha, mu vugule vilanye vyethahabu; kigira si ha veye nelihendeka lyakiba, ubukumi bweviju vyosi vilahi. 10A veye bugira kindu, nomweri, na hatswa; mwoyo gu saluluka, na masigamo ga kupananga, ne lilumwa li veye mu vikenge vyosi, nomumoni mwavo vosi va saamuki kigira bugenyi. 11Ubumenyo bweving'ang'a bu veye haliha, na hevi ng'ang'a visoleli vi liiranga ha veye haliha, heving'ang'a vi genda, kisatsa kikali, nekisoleli, si ha veye na u vi tihidza? 12King'ang'a kya tandula vyokulia vyokuduka avana vakyo, na kya megera vikali vyakyo, nekizulitsa tsimbangaywa tsyakyo vyolu hedzi, na ubumenyo bwakyo kya bwizulitsa tsinyama tsya kya tandula. 13Henza, mbeye ku ive, Yahova wa mahe a vola, nda sambira amagari gege gobulwani mu mwoki, nekivavi ki la mira ving'ang'a visoleli vivyo na nda twulidza ku kivala lihima lilyo, na mwoyo gwavatumwa vovo gu la vula kuhulirwa kandi.
Currently Selected:
Nahum 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
