Mika 6
6
1Mu hulire kalunu ga Yahova a vola: Singira, u hing'ane imbiri wevigulu, no tugulu tu hulire mwoyo gugwo. 2Mu hulire mwinye vigulu, lihing'ana lya Yahova, na mwinye mise gyelirova gyi hindiranga; kigira Yahova a veye nelihing'ana na avandu veve, nelivanza ku Israeli. 3O avandu vange, mmu koleye ki? Mmu luhidzi mu kindu ki? Mu lolekidze ku inze. 4Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu. 5O avandu vange, mwidzulitse kalunu ga Balaki mwami wa Moabu ya saavira, kandi ga Balaam mwana wa Beoru ya tivula: widzulitse kutwula Shitim kuduka Gilgali, mu duke kumanya likola lilungi lya Yahova.
6Nzisunde imbiri wa Yahova nekindu ki, nokwinama imbiri wa Nyasaye wa igulu? Nzisunde imbiri wewe nevihaanwa vyokusambwa, nevimoli vyomuhiga mulala? 7Yahova a la yanzidzwa netsieifu tsya magondi makole, kinga nemigera gyamaguta tsielfu likumi? Mbaane wokutanga kwivulwa wange kigira mahyolo gange, lwivulu lwomubiri gwange kigira bwoni bwomwoyo gwange? 8Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?
9Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga. 10Kuduka kalunu akiba yobudamano i kikiri mu inyumba ya vadamano, nekigero kva geha kyokuvihiriridza? 11Nda va mulahi ni mbeye netsiratili tsindamano, na imuya yamagina gobugadi? 12Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi. 13Kigira yaga nda ku kuya nelikuya lisaleridzanga; nku koli u gwe hatswa kigira ubwoni bubwo. 14U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi. 15U la taga, navutswa u la vula kugesa; u la mina mizeituni, navutswa si u levaka maguta gagyo; na lyagula lyemizabibu u la va nalyo, navutswa si u la nwa iwaini. 16Kigira amalago ga Omri nigo ga gumirwa, nelikola lyosi lyenyumba ya Ahabu, na mu gendanga mu makuva ga yava: nduke kukukola hatswa, na yavo ava menyanga mu kukunukirwa: na mu la ginga linyegwa lyavandu vange.
Currently Selected:
Mika 6: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
