Mika 5
5
1Mwami welirova lyosi. Kalunu u li vungidza viduma, O mukana weviduma; uyu u ku kumbiridza nelihe lilye: va la kuya mukalagi wa Israeli nempimbo ku lusaya lwilwe.
2Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga. 3Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli. 4Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova. 5Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka. 6Navo va lononnya ki vala kya Asuria nekivavi, nekivala kya Nimirodi mu bwingiriru bwakyo: na a la kuhonnya ku Muasuria, lwa yingira mu kivala kyetu, lwa a duvaga mu tsinzako tsyetu. 7Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu. 8Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya. 9Mukono gugwo gu gingwe igulu kuvita avadambidzi vovo, navasigu vovo vnsi va twulidzwe.
10Na ga la duka mu lidiku yilyo, Yahova a vola, nda twulidza tsiparasi tsitsyo tsi twuli hagati hoho, na magari gogo gobulwani nda ga dividza: 11na nda twulidza madala gekivala kikyo, netsimpinga tsitsyo tsyosi nda tsi tsoma hasi. 12Nda twulidza ubukumu bu twule mmukono gugwo; na u la vula kuva na vangoleranga ku malesi: 13nda twulidza vifwananyi vivyo vyokuvadzwa na vitaradzi vivyo vi twule hagati hoho; na si u la sigamira miyinzi gyomu kono gugwo kandi mba; 14ndiha misambwa gyi twule hagati hoho; na madala gogo nda ga dividza. 15Na nda tungira kisalya mu livihirirwa nobutima ku tsihiri tsya vula kuhulira.
Currently Selected:
Mika 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
