Mika 2
2
1O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo. 2Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye. 3Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano. 4Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu. 5Kigira yaga u la vula kuva nomundu u sigisa mugoye ne ikura mu livugana lya Yahova.
6Mu ta profeta mba, ni ndiyo va profetanga. Si va la profetera yava: amanyego si ga la twula. 7Likuva yili li volwe, O inyumba ya Yakobo, Roho wa Yahova u gehidzwa? Yili ni likola lilye? Makuva gange si ga kolera bulahi uyu u gendanga bulungi? 8Navutswa madiku yaga avandu vange va singira kuli avasigu: mwinye mu va nuye ijoho mu tsingubo tsya yavo ava vitanga nemirembe kuli avandu va ta yanza ubulwani. 9Avakali va avandu vange mu va teye kyova kutwula mu tsinyumba tsyavo tsindahi; navana vavo vadoto mu va nyaga ubukumi bwange mihiga nemihiga. 10Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu. 11Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.
12Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu. 13Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.
Currently Selected:
Mika 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
